ماكينة فاكيوم غرفة واحده لشفط وتفريغ الهواء من المنتجات كود 601 ماركة مهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : حضرتك بتبيعوا مكن فاكيوم صح يا فندم؟

المهندس منسي : إن شاء الله

العميل : مكن جديد ولا مستعمل

المهندس منسي : لا إحنا ماركة، براند المكن بتاعنا كله جديد

العميل : طب تمام ايه الموجود

المهندس منسي : هو في مكن غرفة واحدة وفي مكن غرفتين

العميل : إيه الفرق؟

المهندس منسي : الغرفة الواحدة لو حضرتك مصنع صغير لسه بتبدأ، أما الغرتين بيبقى مصنع خلاص شاف حاله وخلاص

العميل : يبقى  إحنا هنتكلم في غرفة واحدة

المهندس منسي : غرفة واحدة سعرها ، يعني 9000 جنيه مصري

العميل : دي صناعة إيه؟

المهندس منسي : إحنا ماركة براند عالمي، بص حضرتك إنت لو شايل دلوقتي آيفون هتقولي الصناعة بتاعت السبير بتاعته إيه؟؟

العميل : أنا عايز البراند إيه السورس بتاعه إيه إيطالي، إلماني..

المهندس منسي : يا صديقي افهمني، إحنا شركة براند عالمي، إنتم متعودين إن التجار بيروحوا يجيبوا مكن من أي حتة وييجوا يتاجروا فيه، إحنا واخدين نظام تاني، إن إحنا بنصمم التصميم، وبعد كده بنجيب السبير من أي بلد أياً كانت، يعني إحنا دلوقتي لو قدامنا تايوان أفضل كسعر وجودة إحنا المسئولين عن الجودة، في الآخر إحنا المسئولين عن حاجتنا، مبدئياً اعرف شركة المهندس منسي وبعد كده اتعامل معاها

العميل : تمام أوكيه.. دي ضمانها أد إيه يا فندم؟

المهندس منسي : ضمان لمدة سنة ضد عيوب الصناعة و 5 سنين توفير قطع الغيار لحساب، حضرتك إحنا الشركة الوحيدة اللي عرضنا في المعرض الصين الدولي في قلب الصين، يعني هاتلي شركة عربية عملتها

العميل : تمام.. هنحتاج نعمل زيارة لحضرتك مكان حضرتكم فين بالضبط؟

المهندس منسي : إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور، المعادي

العميل : بسم الله ما شاء الله، فين في المعادي؟

المهندس منسي : ابعتلي على الميل طلب عناوين وأنا هبعت لك رابط فيه العناوين كلها

العميل : خلاص أوكيه، في عندك برده كتالوج بالبرودكتس بتاعت حضرتك

المهندس منسي : آه هتلاقي في الرابط دوت في منيو فوق كده في البرودكتس كلها

العميل : خلاص هبعت لحضرتك على الميل، مرسي جداً

المهندس منسي : العفو

العميل : مع السلامة