ماكينة لحام مستمر للاكياس البلاستيك كود 301 ماركة مهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : بستفسر عن مكنة لحام اكياس بلاستيك عرض 80 سم
المهندس منسي : آه هي كونتنيوس يعني مستمرة، يعني تلحم معاك 100 سم، 200 سم لأنه اللحام بيمر مستمر
العميل : هي المكنة دي مش حضرتك بتنزل رأسي..
المهندس منسي : لا دي مكنة جديدة لحام مستمر، حضرتك شفت مكنة الخياطة؟
العميل : آه
المهندس منسي : شبها كده بس في رولين اثنين بيلفوا على بعض وياخد اللحام ويفر ويمشي مع بعضه، كل اللي عليك بس إنك تناولها، يعني لو عايز تلحم 100متر ولا حاجة
العميل : آه فهمت حضرتك، طب ديت لها سمك معين بالنسبة للأكياس البلاستيك النايلون
المهندس منسي : حضرتك بس هتجيب عينة وتيجي تشرفنا بالزيارة المكن موجود، المكن موجود الرأسي، الكونتينيوس ومكن التعبئة والتغليف، وعندنا خامات ومواد تعبئة وتغليف، يعني زيارتك أكيد هتطلع بنتائج
العميل : أكيد تحت أمر حضرتك، ده شرف ليا طبعاً، أنا بسأل لأنه إحنا عندنا مصنع سوست، فعايز أعبي السوست ديت في أكياس 18 مللي، فبشوف مكن اللحام اللي هو أنسب ليه إيه؟
المهندس منسي : 18 مللي إزاي؟
العميل : اللي هو السمك بتاعه
المهندس منسي : قصدك 18 ميكرون
العميل : آه سوري 18 ميكرون
المهندس منسي : ده كيس ضعيف جداً لو 18 ميكرون، ولو 18 مللي يعني سمك 2 سم…
العميل : لا.. لا.. أنا آسف 18 ميكرون سمك مادة الخامة اللي بيتعمل منها أكياس باكين
المهندس منسي : ممكن يكون 180 ميكرون، إحنا عندنا يعني 0.18 من المللي… طب بدل ما نتعب بعض ونقعد نحل فوازير طب ما تيجي تشرفنا بالزيارة
العميل : تحت أمرك، طب فين المكان بالضبط؟
المهندس منسي : إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور، المعادي
العميل : طب فين في الحدائق؟
المهندس منسي : ابعتلي على الميل طلب عناوين وأنا هبعت لك رابط فيه العناوين كلها، وهتلاقي اللوكيشن والتليفونات والحاجات دي، بس يستحسن إنك تاخد عينات وتروح على طول مباشر وتقولي وريني المكنة وتجرب
العميل : تمام يا فندم.. أنا بتكلم عشان إحنا كنا بنعبي في كرتون وعايزين نغير لبلاستيك، فأنا بعمل دراسة على طريقة التحويل والتكلفة، يعني الكرتون إحنا بنستخدم لها شيكارتون لحام من فوق ومن تحت، فعايز نحول من ده لده للتوفير
المهندس منسي : لازم هيبقى في توفير، هو إنتم تقريباً شركة عامة قطاع عام تقريباً
العميل : لا مش قطاع عام، دي شركة عالمية شركة سوست عالمية، في 35 فرع في العالم يعني
المهندس منسي : قوله الباش مهندس لما كلمني قالي على خامة اسمها بولي أميد
العميل : بولي أميد؟
المهندس منسي : هي بولي أميد مبطن بالبولي إثيلين ولكن المختصر بتاعها بولي أميد
العميل : ده نفس الخامة بتاعت المنتج بتاع باكين؟
المهندس منسي : أنا ما أعرفش خامة منتج باكين، ولكن اللي أنا أعرفه إنها من أقوى الخامات في العالم، وإحنا عندنا منها أوفر ستوك
العميل : ده حضرتك الكيلو بكام طيب؟
المهندس منسي : بيبدأ من 40 جنيه
العميل : ده غير الطباعة طبعاً
المهندس منسي : آه غير الطباعة
العميل : تمام.. تمام.. أتعرف بحضرتك بعد إذنك
المهندس منسي : المهندس منسي
العميل : تمام يا فندم، طب بالنسبة لأسعار المكن اللحام بيبدأ من كام سعره؟
المهندس منسي : المكنة بتعمل يعني 3600 جنيه مصري
العميل : اللي حضرتك قلت لي عليها كونتينيوس
المهندس منسي : آه الكونتينيوس آه، المستمر
العميل : تمام حضرتك، دي اللي هي بتفضل باستمرار مالهاش دعوة بمساحات
المهندس منسي : آه لو عايز تلحم حاجة 2 متر 3 متر ولا حاجة، هي بتشتغل دايركت ورا بعض، اسم الكريم إيه؟
العميل : وائل يا فندم ماشي يا باش مهندس دي يدوي لا مجرد ما يتحط الكيس عليها
المهندس منسي : حضرتك كل اللي عليك تضبط الزاوية وتلقمها الكيس وهي تلحم لوحدها وتنقله الناحية التانية، كل اللي عليك تلاحق عليها بس شغل
العميل : يا مسهل يا رب، آسفين لتعبك يا باش مهندس منسي
المهندس منسي : لا تحت الأمر يا غالي
العميل : والعناوين بتاعت حضرتك في أنهي حتة بالضبط؟
المهندس منسي : ابعتلي على الميل طلب عناوين وأنا هبعت لك رابط فيه العناوين كلها
العميل : شكراً لذوقك وإتاحة الفرصة إن أنا أتعرف بحضرتك يعني
المهندس منسي : لا ده أنا اللي ليا الشرف
العميل : شكراً لحضرتك، مع السلامة
