محتاج طبات علب pet
العميل : السلام عليكم
محتاج طبات علب pet مقاسين علب سنبت غذائية
المهندس منسي : آه موجود عندنا كل أنواع الطبات بدون استثناء موجودة
العميل : كم قيمة الطبات شحن للسعودية جدة وإذا فيه طباعة
العميل : الأسعار ومحتاج نوع قوي في اللحام
السلام عليكم
كيف حالك يا باش مهندس، معاك أخوك يوسف من جدة
العميل : محتاج أنا طبات لعلب بي إي تي، تكون طبات جودتها كويسة في الإغلاق، أنا شغال على نوعية الآن إغلاق حراري، محتاج حاجة أفضل، وإذا في إمكانية للطباعة، إذا ما في إمكانية خلاص بشوفه سادة، وعندي مقاسين مقاس 9 ومقاس 7، في تعديل على المقاسات
وسعيد بمعرفتك يا باش مهندس، وأي خدمة تحت أمرك في جدة
العميل : كمان في يا باش مهندس يهمني في ها الطبات أن تكون نظيفة نظافة عالية، وتعبئتها ممتازة، ومحفوظة بشكل سليم لغاية ما توصلني وأستخدمها، لأن هذه الطبات بستخدمها في مواد غذائية، وبستخدمها على منتجات القهوة، فلابد يكون ملامستها سليمة، ونظيفة عشان ما ييجي ملاحظات من الزبائن وكمان تقضي الغرض منها، ويا ريت ترد عليا سريع عشان أقدر أقرر ونشوف طريقة التعامل تكون إزاي
العميل : وكمان يا باش مهندس معلش نتعبك معانا في كثرة المواضيع، الأكياس الألومنيوم مقاس 250 جرام و 500 جرام مطبوعة، هل فيه إمكانية إنها تكون متوفرة عندكم ومطبوعة وجاهزة وجودتها كويسة لحفظ منتجات القهوة
أنا عندي 7 منتجات أبغى أنزلها في أكياس، ولكن إلى الآن ما توفقت إن أحد يوفرها لنا بشكل سليم وبسعر ممتاز فإن شاء الله تكون بداية خير، وفيدني بالمنتجات اللي موجودة عندك عشان إن شاء الله يكون بداية تعامل ما بينا
وكمان يا باش مهندس موضوع أسعار الشحن والشركات اللي تشحن عليها عشان إذا كان في شركات سعرها كويس وتوصيلها سريع عشان راح تكون دفعات مستمرة ومتصلة، هحتاج مثلاً 5-10 آلاف طبقة تيجي مثلاً بسرعة، ولو الله وفق بالأكياس أو لو في عندكم خيارات تانية، أو علب بي إي تي نوعية ممتازة من عندكم نطبع عليها الاسم والشعار…
العميل : يعني برده اديني الخيارات اللي عندكم أو إذا في موقع لكم عشان أقدر أدخل عليه، أنا يادوب بحثت وشفت تعبئة وتغليف فاتصلت عليك
ولكن الطبات عندي أولوية، عندي نقص فيها ومحتاج كمية توصلني سريعاً
المهندس منسي : هو مبدئياً حضرتك ما ذكرتش الكميات المطلوبة أد إيه؟ ده رقم واحد
المهندس منسي : رقم 2 حضرتك إحنا بنتعامل على الشات، فلما نخش في 3-4 استفسارات مع بعض الدنيا بتتلخبط مننا، فحضرتك إحنا نخش في الاستفسار الأولاني خلصناه بعد كده نخش في الثاني، خلصناه، بعد كده نخش في الاستفسار الثالث ونخلص
المهندس منسي : عملية مواقعنا في عندنا مواقع خاصة بالماكينات، ومواقع خاصة بالخامات.. فشوف حضرتك أنهي مواقع ممكن أبعتها لك
العميل : تمام كمان فيدني إذا في مكاين عندكم إذا في مكاين لحام، مكاين إندكشن سيل عشان نشوف إذا نجيب ماكينة جديدة ماكينة تساعدنا على اللحام يعني
العميل : زودنا بموديل أو موديلين من عندك يكون لحامها كويس
3000 طبة مقاس 70 ملي
2000 طبة مقاس 90 ملي الشحن للسعودية
المهندس منسي : بالنسبة للكميات الكميات دي قليلة جداً، أقل كمية نقدر نديهالك هي 10 آلاف طبة، لو اديت لك سعر على الكمية دي هتزعل، لأنه سعرها هيبقى عالي، فأقل كمية ممكن نصنعها هي 10 آلاف طبة
المهندس منسي : بالنسبة للمكن في مكن إندكشن بيلحم الطبات، وفي مكن حراري بيلحم الطبات، شوف بس المنتج بتاعك إيه؟؟ غذائي ولا صناعي، لأنه لو غذائي يستحسن فيه الحراري مش الإندكشن
العميل : السلام عليكم 10000 طبة بي إي تي المقاس 74 ملي المنتج غذائي
هذا نوع العلبة
المهندس منسي : تمام آه، ممكن، سعر الألف هيبقى في حدود 250 جنيه
العميل : الشحن للسعودية مدينة جدة كم التكلفة
المهندس منسي : بالنسبة لشركات الشحن، حضرتك تابع مع أي شركة شحن عند حضرتك واعرف منها سعر الشحن إيه؟؟ لأنه من كتر ما اتصلنا بشركات الشحن والناس ما نفذتش فزهقوا مننا
العميل : ممكن العنوان اللي حيتم استلام الطرد منه لشحنه للسعودية والوزن التقريبي
وأنا أبحث بهذا الخصوص أنه الشركة الشاحنة تيجي مقركم بعد جاهزية الطرد واستلامه وشحنه بطريقتكم وإذا ممكن أسماء الشركات القريبة منكم
سما ـ دي إتش إل ـ أرامكس
البريد السعودي
وأنا أرتب الشحن بس ساعدني بالمعلومات وأنا أنسق الشحن بعد ما تجهز الطبات
المهندس منسي : اتصل بنا في الفروع التي تناسبك / ماكينات تعبئة وتغليف
ستجد عناوين وتليفونات ولوكيشنات فروع شركة المهندس منسي في هذا الرابط:
المهندس منسي : هو شركة دي إتش إل ، وأرامكس دي شركات غالية، دور على شركات شحن طيران… دول هياخدوا منك فلوس أكتر من سعر الشحنة، دور على شركات تانية لو إنت عايزها خلال 5 أيام يبقى شركات بتشحن طيران، ولو إنت عايزها في أزيد من 8 أيام يبقى شحن بري، وإنت القرار ليك طبعاً في الأول والآخر
العميل : يا باش مهندس الله يسعد صباحك
شوفي إنت موضوع بتاع الشركة الشحن، وإحنا خلاص بالنسبة للطبات قولنا 10 آلاف طبة مقاس 73 أو 74 راح أخبرك بالمقاس
بالنسبة للشحن إنت لو في عندك شركات طيران كويسة بتشحن بسعر كويس يعني ساعدني، أنا والله أنا بيني وبينك بلد وبحر، اتعب معنا حبتين من خلال خبرتك وتعاملك
المهندس منسي : بص الرابط اللي أنا بعتهولك ده في العناوين وأرقام التليفونات بتاع المبيعات، تابع بقى معاهم على أساس همه محتكين أكتر بشركات الشحن
العميل : أشكرك يا باش مهندس، بس يا ريت تديني رقم واحد أتواصل معاه مباشرة بدل ما أبدأ معاه من البداية، وإنت تديه صورة إن أنا عايز 10 آلاف طبة مبدئياً وبعد كده كمان 10 آلاف طبة مقاس تاني
المهندس منسي :بص هو أنا لو اديت رقم واحد فيهم لحضرتك يبقى ده أنا فضلته عن الباقيين، بس أنا بسيب حضرتك تختار بناء على اللي هتلاقيه أكتيف معاك، فحضرتك هتخش تختار أول رقم أو آخر رقم أو من النص، حضرتك هتشوفه نشط معاك وبيديك خدمة سريعة أوكيه، لو لقيته مش نشط معاك شوف غيره
العميل : تمام يا باش مهندس، وإحنا ما نقدر نستغنى عنك في الصورة، وإنت الخير والبركة، وما شاء الله ما إنت مقصر معانا
