مشروع صغير لتعبئة الصابون السائل من شركة المهندس منسي

العميل : السلام عليكم ورحمة الله يا باش مهندس

المهندس منسي : عليكم السلام ورحمة الله وبركاته

العميل : أسعد الله صباحك يا بيه أنا عايز مكنة بتاعت التعبئة والتغليف ومكنة صناعة صابون الغسيل بأحجام صغيرة ووسط

المهندس منسي : حضرتك عايز مكنة تعبئة وتغليف الصابون السايل؟؟ اللي أنا فهمته كده

العميل : يا بيه المكنة… نعم عايز مكنة تعبئة الصابون السايل والتغليف، والمكنة التانية عايزها مكنة… المكنة التانية اللي عايزها مكنة صناعة صابون الغسيل، أي اللوح.. اللوح الأبيض الصغير والمتوسط

المهندس منسي : هوه يستحسن لو اتكلمنا على مكنة وبعد ما نخلصها نخش على اللي بعديها، لأنه لو اتكملنا في عدد من المكنات هنتلخبط، فنتكلم أول حاجة في اللي هوه الصابون السايل، هوه عبارة عن مكنتين

هوه الخط بتاع الصابون السايل بيتكون من مكنتين 2: المكنة الأولانية اللي هي الميكسر، والمكنة التانية اللي هي التعبية، فأنا محتاج أعرف الطاقة الإنتاجية بتاعتك أد إيه عشان أقولك اللي هيلائمك ميكسر حجمه كام، ومكنة كيفيتها إيه

المهندس منسي : هوه كفاية قوي عليك ميكسر 50 لتر ومكنة ديسك توب، الميكسر 50 لتر سكة، ومكنة تعبئة سوائل ديسك توب اللي هتعبي لك الصابون برده سكة وخلاص، هوه كده المشروع خلاص يعني، لأنه إنت الكمية بتاعتك قليلة جداً جداً جداً، يعني الواحد طن في اليوم ده قليلة جداً جداً جداً، يعني يعتبر مشروع منزلي، فهوه كفاية عليك ميكسر 50 لتر ومكنة ديسك توب واشتغل وتوكل على الله، وبعد كده كبر مافيش مشكلة يعني