مكنة فاكيوم نص أتوماتيك لتصنيع أطباق الفوم كود 605 ماركة مهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : لو حابب أعمل مصنع أطباق الفوم الفايبر ديت حضرتك عندك المكنة خط الإنتاج ولا بتجيبوا من بره؟
المهندس منسي : إحنا عندنا المكنة النص أتوماتيك تقدر تصنع لك أطباق الفوم
العميل : يعني حضرتك تقدر تديني خط إنتاج كامل لو حابب أعمل مصنع؟
المهندس منسي : إحنا عندنا مكنة واحدة نص أتوماتيك تقدر تصنع لك أطباق الفوم
العميل : بحط فيها فوم وبتطلع لي الطبق كامل
المهندس منسي : آه بتحط فيها لوح الفوم هي بتشفطه وتشكله وتعمله طبق
العميل : وبيطلع الطبق جاهز يعني
المهندس منسي : آه
العميل : ممكن أعرف المكنة دي ثمنها كام؟
المهندس منسي : سعرها ، دي مكنة نص أتوماتيك
العميل : يعني بتشتغل يدوي شويه
المهندس منسي : نص أتوماتيك
العميل : طب المصنع بيحتاج كام مكنة؟ هي مكنة واحدة بتطلع أطباق ولا المصنع بيبقى فيه مكن تاني؟
المهندس منسي : إنت ممكن تشوف الطاقة الإنتاجية بتاعتك أد إيه؟ هل هتنتج مثلاً 10 آلاف طبق في اليوم، 3 آلاف طبق…
العميل : هي المكنة دي بتنتج كام طبق؟
المهندس منسي : كام طبق من مقاس إيه؟؟ المقاس الصغير غير المقاس الوسط، غير المقاس الكبير… لازم حضرتك تيجي تشرفنا بالزيارة وتجيب الطبق معاك ونقولك من الطبق ده تنتج كذا
العميل : وحضرتك لما آجي بتعرفني كل حاجة ودراسة الجدوى وكده ولا إيه؟
المهندس منسي : لا دراسة الجدوى مالناش دعوة بيها
العميل : يعني حضرتك ما تعرفش أسعار الفوم كام، والخام كام والكلام ده
المهندس منسي : حتى لو نعرف ده مش تخصصنا، إحنا تخصصنا إن إحنا نبيع مكن، مش نجري على شغل غير شغلنا
العميل : طب إنتم عنوانكم فين؟
المهندس منسي : إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور، المعادي
العميل : فين في 6 أكتوبر؟
المهندس منسي : ابعتلي على الميل طلب عناوين وأنا هبعت لك رابط فيه العناوين كلها والتليفونات
العميل : طب اسم حضرتك إيه بعد إذنك
المهندس منسي : المهندس منسي
العميل : خلاص هسجل حضرتك دلوقتي وأبعت لحضرتك، أنا من دمنهور من البحيرة
المهندس منسي : أهلاً وسهلاً بيك
العميل : آه.. ماشي على خيرة الله، أنا هبعت لحضرتك دلوقتي عشان العنوان والفروع بتاعت الشركة
المهندس منسي : إن شاء الله
العميل : شكراً، مع السلامة
