مكنة لحام سير إنتاجي الافقية كود 301 ماركة المهندس منسي

 

العميل : السلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : كنت  عايز أسأل على مكنة طباعة التاريخ والصلاحية

المهندس منسي : آه موجودة آه

العميل : عامله كام طيب؟

المهندس منسي : في نص أتوماتيك وفي يدوي، اليدوي بـ يعني 1620 جنيه مصري، والنص أتوماتيك اضرب × 18

العميل : تمام.. اشمعنا الأسعار كده بال

المهندس منسي : هو إحنا بنسعر بال ولكن بناخد بالجنيه المصري عشان خاطر نضمن ثبات الأسعار

العميل : بتطبع أكياس طبعاً

المهندس منسي : آه بتطبع أكياس آه

العميل : أنا متابع شغلك على النت، أنا جبت الرقم بتاعك من على النت

المهندس منسي : آه ما أتحرمش يا باشا

العميل : فكنت بسأل موجودة عشان آجي آخد الاثنين مع بعض وأمشي، عشان أنا من فايد مش من مصر

المهندس منسي : إنت بتتكلم على أنهي مكنة، مكنة اللحام المستمر؟

العميل : لا مكنة لحام سير إنتاجي دي اللي بتقفل أكياس الافقي

المهندس منسي : طب ممكن تتابع مع المبيعات، أنا المكنة اللي أنا متأكد إنها موجودة دلوقتي اللي هي مكنة لحام سير إنتاجي موديل 301 ماركة المهندس منسي ، إنت كل اللي  عليك بترمي لها الأكياس وبس وهي تاخده وترميه وتوديه الناحية التانية، مش زي التانية تقعد تلحم الكيس وتستنى لغاية ما يتلحم وترفع وبعد كده تاخد الكيس، لا دي بتناولها الكيس وهي على طول تاخد وتلحم،  تاخد وتلحم.. لاحق عليها شغل

العميل : أنا فاهم آه

المهندس منسي : دي موجودة بضاعة حاضرة، أما اليدوي دي المنزلية مش متأكد موجودة ولا مش موجودة، ممكن تكلم المبيعات تشوفها، ولو مش موجودة تيجي إمتى

العميل : تمام.. بس مكنة الطباعة التاريخ والصلاحية موجودة

المهندس منسي : آه موجودة بضاعة حاضرة آه

العميل : تمام.. شكراً

المهندس منسي : وعندنا الأكياس برده لو احتاجت،  أكياس ميتالايز، وأكياس ألومنيا… عندنا كل أنواع الأكياس

العميل : يعني ممكن أخليك تعملي أكياس باسم المنتج بتاعي

المهندس منسي : ممكن آه

العميل : طب الكيلو عامل كام؟

المهندس منسي : سعرها بيبدأ من 40 جنيه للكيلو

العميل : متوفرة يعني، ممكن تعملي 10 كيلو، 20-50 كيلو.. كده

المهندس منسي : لو  موجود بضاعة حاضرة ممكن أديلك الكمية اللي إنت عايزها، لو مش موجود وهفصل لك بالطلب دي ممكن نقول 100 كيلو، كده يعني

العميل : تمام.. خلاص ماشي يا باشا، إن شاء الله معرفة خير، شكراً

المهندس منسي : مع السلامة