مكن تغليف السلوفان

العميل: السلام عليكم

ممكن ترسلي مواصفات وأسعار ماكينة التغليف السلوفان فوق غطاء الزجاجات

عليكم السلام ورحمة الله وبركاته

المهندس منسي : هو إحنا عندنا من مكن تغليف السلوفان فوق غطاء الزجاجات 3 مكنات، الثلاثة دول موديل 101 ماركة المهندس منسي

في منها ارتفاع 16 سم، وفي ارتفاع 30 سم، وفي ارتفاع 35 سم

فكنت عايز أعرف مقاس.. يعني لو كمياتك قليلة ممكن تاخد المكنة اللي ارتفاعها 16 سم وتدخل البرطمان نايم، لو الإنتاج بتاعك متوسط أو عالي، ابعتلي مقاس البرطمان والارتفاع بتاعه عشان أشوف لك المكنة اللي هتناسبك إيه

العميل: لسه في مرحلة تجهيز العبوات بس هتكون زجاج مش بلاستيك

المكن اللي حضرتك اتكلمت عنه ينفع للزجاج ولا للبلاستيك فقط؟

لو عند حضرتك صور لشغل المكن نفسه بعد التغليف يا ريت ترسلهولي

المهندس منسي : آه المكن اللي أنا كلمت حضرتك عليه ينفع لكل أنواع الماتيريال، الزجاج، البلاستيك، الصفيح… كله

بالنسبة للصور أبعت لك صور إيه؟؟!!!! الصور عندنا كتير جداً، فهبعت لحضرتك صور إيه… الثقافة الصناعية عند العميل العربي عموماً ضعيفة، ساي مثلاً إنت هتعبي عسل، وأنا بعت لك مثلاً عبوة بتاعت كريم مثلاً، فإنت تقول لأ أنا عايز بتاعت عسل، ما تعرفش إن العبوة بتاعت الكريم هي نفسها بتاعت العسل، والمكنة اللي تشتغل في دي هي نفسها اللي تشتغل في دي

فحضرتك اللي تبعت لي صور الحاجة اللي عايزها، وأنا بدوري أرشح لك المكنة.. ولكن هو المكن اللي أنا قلتهولك ده على حسب ما اعتقدت إنك هتلحم أو هتغلف بق العبوة بالشرينك مثلاً، فالمكنة دي موديل 101 ماركة المهندس منسي

فشوف حضرتك عايز تغلف إيه عشان أبعت لك بالضبط المكنة اللي هتلائم حضرتك

نفترض مثلاً إنت عايز تغلف عبوة شاي بهارات، لو أنا بعت لك عبوة عسل متغلفة هتقول لا أنا عايز عبوة بهارات.. على افتراض، مثلاً