مكن طباعه تاريخ نص اتوماتيك ويدوي من شركة المهندس منسي

العميل : سلام عليكم

المهندس منسي : سلام ورحمة الله وبركاته

العميل : مساء الخير يا فندم

المهندس منسي : مساء الخير

العميل : من فضلك حضرتك بسأل على المكنة اللي بتكتب التاريخ والشهر

المهندس منسي : آه

العميل : دي عملنها على النت…

المهندس منسي : عندنا منها اليدوي وعندنا منها النص أتوماتيك

العميل : يعني إيه نص أتوماتيك مش فاهم؟ اليدوي دي حضرتك اللي بتشتغل في الحبر اللي هوه في الجزء تحتاني

المهندس منسي : مش عارف اللي حضرتك بتفكر فيه ده، إنما اليدوي اللي عندنا ليها دراع كده بتحط الحاجة تحتيها وتنزلها بإيدك، تنزل الدراع ده بإيدك، أما النص أتوماتيك دي بتحطلها الحاجة تحتيها وهي بتضرب لوحدها أو في دواسة كده صغيرة بتدوس عليها وهي بتنزل لوحدها

العميل : دي النص أتوماتيك اللي حضرتك بتشتغل بالكهرباء

المهندس منسي : آه كهرباء آه، الاتنين بيشتغلوا بالكهرباء  يستحسن حضرتك تتفرج عليها بنفسك على الطبيعة أحسن يعني

العميل : أستأذنك لأن أنا مش من القاهرة، أنا من إسكندرية، هل ممكن حضرتك تبعلي صورتها على الواتس آب هنا؟

المهندس منسي : ممكن تبعتلنا طلب استفسار على الإيميل أو على الواتس وعادي هيردولك عليه

العميل : يعني إيه طلب استفسار؟ يعني أنا أكتب على الإيميل…

المهندس منسي : يعني أنا هقفل دلوقتي وهنسى

العميل : تمام

المهندس منسي : فمجرد إن إنت بعت هفتكر تاني

العميل : آه.. يعني هبعت لحضرتك دلوقتي طلب استفسار بالصور المكن اللي بيكتب التاريخ على العبوات البلاستيك

المهندس منسي : آه كنت ما تكلمت أكتر وكتبت أكتر كل ما كان أفيد بالنسبة لنا لتوضيح الرؤية

العميل : تمام… سعر دي إيه وسعر دي إيه يا فندم؟ هي صناعة إيه أولاً؟

المهندس منسي : كل المكن بتاعنا الموجود ده صناعة ماركتنا إحنا، يعني إحنا بنصنع قطع الغيار بره مصر وبنجمعها في مصر، يعني تصميماتنا وديزاينتنا

العميل : تمام.. تمام

المهندس منسي : أما عملية إحنا استوردناها منين دي ظروفنا إحنا، نستوردها وات إيفر أياً ما كان المكان، النهاردة لما تيجي تقول شركة توشيبا أو إلـ جي أو.. أو.. أو، بيستوردوا من المكان اللي همه عاوزينه، ولكن في الآخر بيطلع باسمهم همه، إحنا مش تجار، إحنا مهندسين مصنعين

العميل : تمام يا فندم.. تمام

المهندس منسي : فمنخدش من أي بلد ونيجي نبيعها

العميل : بيبقى معاها ضمان أد إيه يا باش مهندس؟

المهندس منسي : ضمان لمدة سنة ضد عيوب الصناعة، 5 سنين توفير قطع الغيار لحساب العميل

العميل : تمام.. وهل أحبارها بتبقى متوفرة عندكم؟

المهندس منسي : طبعاً أكيد

العميل : تمام… أقدر آخد فكرة عن الأسعار؟

المهندس منسي : سعر اليدوي 100 يعني 1000 جنيه، وسعر النص أتوماتيك يعني 2500 جنيه

العميل : تمام على نفس الرقم ده هبعت لحضرتك طلب استفسار يا ريت حضرتك لو بعتلي الصور عشان أنا هبعت حد من إسكندرية للقاهرة لحضرتك بالفلوس بعد ما أشوفهم

المهندس منسي : إن شاء الله

العميل : شاكر أفضالك يا فندم، أتشرف بالاسم معاك المهندس..

المهندس منسي : المهندس منسي

العميل : منسي.. أهلاً بيك يا باش مهندس معاك هاني كامل يا فندم مدير شركة مبيدات وأسمدة زراعية

المهندس منسي : وعندنا برده ليكوا الأكياس بتاعتكم، أكياس الألومنيا

العميل : الأكياس الألومنيا.. تمام

المهندس منسي : وعندنا المكن اللي بيعبيها

العميل : كويس قوي، طب هل فيه لو بعت حد ياخد المكنة…

المهندس منسي : آه فيه طبعاً

العميل : حضرتك تديهوله؟

المهندس منسي : آه.. ولو حضرتك كتبت على الإنترنت المهندس منسي بس

العميل : المهندس منسي إيه يا فندم..

المهندس منسي : بس.. اكتب ماركة المهندس منسي

العميل : آه…. آه.. تمام، حضرتك أساساً من القاهرة يا باش مهندس، منين في القاهرة؟

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : فين في حدائق القبة إحنا من حدائق القبة؟

المهندس منسي : لأ ده الفروع، دي أرقام الفروع اللي بكلم حضرتك فيها

العميل : آه… تمام… لأ أقصد لو أنا عايز حابب أتفرج على الحاجات دي معروضة فين؟

المهندس منسي : معروضة في كل الفروع بتاعتنا

العميل : تمام… تمام… طيب أنا هستأذنك هبعت طلب مخصوص بالمكن اللي هوه بيعمل التاريخ ده لأن أنا محتاجه في خلال اليومين الجايين دولت قوي، لكن بقيت الحاجة دي إحنا ممكن نرتب مثلاً على يوم الخميس أو الجمعة، ولو إنتم شغالين الجمعة يبقى فرصة طيبة إن إحنا نتقابل مع حضرتكم يعني

المهندس منسي : هوه للأسف إحنا أجازتنا الجمعة

العميل : طيب يبقى نخيلها السبت زي النهاردة

المهندس منسي : إن شاء الله

العميل : شاكر أفضالك، على نفس الرقم ده اللي بكلمك عليه واتس يا باش مهندس منسي أبعت لحضرتك الطلب؟

المهندس منسي : إن شاء الله

العميل : شاكر أفضالك يا فندم، هييجي لحضرتك من رقم واتس تاني غير 012، هييجي لحضرتك من رقم 01000207810

المهندس منسي : ماشي..

العميل : هييجي لحضرتك الواتس من رقم تاني 01000 وآخره 10

المهندس منسي : حاضر

العميل : شاكر أفضالك يا فندم شكراً

المهندس منسي : مع السلامة