مكينة تغليف دواجن مجمدة
العميل : السلام عليكم ورحمة الله أنا عصام الصبري من اليمن
من مؤسسة الزيلعي للدواجن أريد مكينة تغليف دواجن مجمدة
المهندس منسي : أهلاً وسهلاً بيك، آه عندنا آه، عندنا مكن تغليف الدجاج، في نص أتوماتيك وفي أتوماتيك كامل، حضرتك بتحط الدجاج على طبق وهي بتخش تغلفها لوحدها، أو بتحط الدجاجة وهي بتنزل في كيس، ولكن لازم حضرتك تبعت لي شكل التغليف عشان أقولك المكنة اللي هتناسبك إيه
المهندس منسي : حضرتك عايز مكنة تغليف بالشرينك، في منها أنواع، في منها حاجة اسمها بيبي، وفي حاجة اسمها فرن، نفق، يعني حضرتك بتحط الفرخة بالطبق في الكيس، وهي بتعدي الناحية التانية، وفي منها النفق بالقطاعة
العميل : ممكن تعطيني فيديو لها لو سمحت يعني منتظر فيديوهات للمكائن الموجودة عندك وعليها نقرر شكراً
المهندس منسي : حضرتك عايز فيديوهات لكل مكن الشرينك اللي عندنا؟؟
العميل : لا لا للمكائن الذي تراها أنت مناسبة لطلبنا
المهندس منسي : كما هو موضح هنا
نتائج البحث عن 107 ـ تعبئة وتغليف:
نتائج البحث عن 106 ـ تعبئة وتغليف:
نتائج البحث عن 101 ـ تعبئة وتغليف:
المهندس منسي : دي روابط متعددة لمكن تغليف الشرينك، هتلاقيها بتغلف منتجات تانية، إنما بتغلف الفراخ مافيش مشكلة، قلب في الفيديوهات ديت لغاية ما تلاقيها بتغلف الفراخ
العميل : تضع الفرخة داخل الطبق البلاستيك.. ثم تضعها في المكينة والمكينة تقوم بتغليفها أوتوماتيكياً
المهندس منسي : مضبوط آه، حضرتك بتحط لها.. بالنسبة لمكن تغليف الشرينك، حضرتك بتحط الفرخة في الطبق، وبعد ما تحط الفرخة في الطبق بتحطها على سير وهي تطلع من الناحية التانية متغلفة، بس تكون حطيت كيس الشرينك، دي أول مكنة اللي هي موديل 101 ماركة المهندس منسي
المهندس منسي : طيب لو إنت مش عايز تحط في كيس عايز تحط في الرول، بتبقى المكنة رقم 106 بتحطها ما بين الرولين وبعض وهي المكنة بعد كده بتنزل وتروح قاطعة وتلحم الكيس وبعد كده الكيس يخش في النفق ويطلع من الناحية التانية متشرنك جاهز
المهندس منسي : طب لو مش عايز كده ولا كده، عايز تعمل بالطريقة الثانية اللي هي طريقة القطاعة والنفق اللي هي 107، نفس القصة بالضبط بتاعت 106
المهندس منسي : لكن هو الأفضل في الإنتاج إنك بتفصل أكياس تغليف الشرينك إذا كانت بي في سي أو بولي إليفين، ولكن يفضل البولي إيليفن، عشان صحي وغذائي وشكله أصلاً جميل، ففي المواد الغذائية بالذات يفضل البولي إيليفن، تاخده أكياس، وبعد ما تاخده أكياس تحط الطبق في قلب الكيس، وبعد ما تدخله في قلب الكيس تدخله جوه المكنة، الكيس يطلع متشرنك جاهز، يطلع متغلف جاهز
هو المكن اللي في الروابط اللي بعتها لك هي اللي عندنا
