ورق مبطن بولي إيثيلين أو ميتاليز

العميل : السلام عليكم

إزي حضرتك بشمهندس مع حضرتك دكتور هاني شوكت

بسأل عن ورق مبطن بولي إيثيلين أو ميتاليز يمكن لحامه

هل متوفر؟

المهندس منسي : نعم متوفر لدينا كل أنواع الورق المبطن بالبولي إيثيللين وكل أنواع الميتالايز بكل اشكاله ومقاساته وسماكاته

العميل : ما شاء الله هل هي بالطن أم بالفرخ؟ ويا ريت خلفية بالسعر لو تكرمت

المهندس منسي : بالكيلو أو بالطن سعر ميتالايز المبطن بالبولي إيثيلين

العميل : تمام يعني هو 3 طبقات ورق تحته ميتالايز وتحته بولي إيثيلين؟ عشان اللحام

المهندس منسي : هو إحنا أوردي عندنا مصنع لامينيشن، يعني عايز ورق ميتالايز بولي إيثيلين مافيش مشكلة، عايز ورق ميتالايز بولي إيثيلين وتطبع الورق وتلمشنه على البولي إيثيلين برده مافيش مشكلة نعملك ده… عايزه جاهز ورق ميتالايز بولي إيثيلين دايركتلي برده جايز مافيش عندنا مشكلة، لو عايزه مثلاً الميتالايز بولي إيثيلين وفوقيه بولي إستر وإنت هتطبع الورق ونعرفك إزاي تلمشنه، ونديلك كمان مكنة تلمشنه بيها… بص كل الحلول عند شركة المهندس منسي من الآخر، يعني من الآخر إحنا شركة المهندس منسي فاهمين بنعمل إيه

اللي بيبقى باني على أساس علمي غير التاجر بس، التاجر حافظ كلمتين وبيرصهم، أما إحنا شغالين على أساس علمي، ويا ريت علمي بس، لا علمي بعقلية ابتكارية، الحمد لله بفضل من ربنا، يعني رأس مالنا هو العلم

العميل : ربنا يبارك في حضرتك إن شاء الله أعدي عليكم بباب الشعرية ونتفق على شغل

المهندس منسي : إن شاء الله أهلاً وسهلاً بك

السلام عليكم بشمهندس مع حضرتك د. هاني من المنصورة

ممكن أعدي على حضرتك الثلاثاء بالقاهرة أشتري عينة ورق ألمونيوم بست ملزق به ورق كوشيه للطباعة عليه؟

أو أي شيء مماثل لأني هحتاج كمية وكنت حابب أجربه الأول

المهندس منسي : مافيش مشكلة بس هو ده عينة يعني حضرتك شوف شرفنا بالزيارة لو لقيت فيه بواقي فاضلة متبقية من شغل اوزنها وخدها مافيش مشكلة عندنا

العميل : تمام

إن شاء الله أمر حضراتكم بكرة السعر كام بشمهندس

المهندس منسي : أنا ما أقدرش أحدد سعر لسبب لأنه في أنواع كتيرة، في أوبالين، في برشمانت، في بلانت، في كوشيه، وبعدين من جوه بقى في ميتالايز على بولي إيثيلين، وفي على بولي إستر ميتالايز بولي إيثيلين، وفي على بولي إستر ألومنيوم بولي إيثيلين… وفي بقى من حيث السماكات، في سماكات مختلفة كل سماكة وكل توليفة لوحدها، فحضرتك بتنقي النوعية اللي تعجبك وبناء عليها بيدولك السعر

العميل : تمام

إزي حضرتك بشمهندس هل شغالين بكرة الأحد؟

المهندس منسي :  هو إحنا شغالين من الساعة 11 – 9 مساء طول أيام الأسبوع ماعدا الجمعة الأجازة الأسبوعية

العميل : تمام يا باش مهندس إن شاء الله هاجي لحضرتك بكرة

كمان عندي سؤال، ممكن آخد الورق اللي هو مبطن ميتالايز أو ألومنيوم بولي إيثيلين نظام أفرخ عشان القص والطباعة عليه وكده؟

المهندس منسي :  لا هو موجود رولات، لو عايزه أفرخ بتديلهم عرجونه وهمه بيضبطوا معاك الدنيا وبعد ما يخلص يبعتولك

العميل : تمام

السلام عليكم إزيك يا باش مهندس مافيش مشكلة حصل خير، أكيد حاجة مش مقصودة أنا فاهم كده، بس كان صعبان عليا المشوار، جاي سايق بالعربية والطريق طبعاً من المنصورة للقاهرة مش سهل، بس الحمد لله كان يوم أحد ومش زحمة قوي

أنا طالب تحديداً ورق كوشيه أو أي ورق يتطبع عليه في المطابع العادية، مبطن بالبولي إيثيلين عشان يتلحم من جوه، هتعمل بيه أكياس للبن حجم كبير شويه

وفي نفس الوقت هتوفر لي إن أنا هجيب حاجات من الصين وأطبعها في مصر لأنه جماعة في مصر طلبوا من نفس الخامة كده عايزين طن، طبعاً هطبع أشكال كتير فدي صعبة إني أعمل 2-3 طن أصرف فيهم 200-300 ألف صعبة

ده غير لما أجرب من عند حضرتك ربع طن لو ضبطت ناخد بالطن سهلة، وإن شاء الله تبقى الدنيا أوفر من كده

الحاجة التانية أنا جيت في فرع اللي هو قدام مدرسة باب الشعرية، قابلت الباش العميل : مهندس حمادة ومعاه الحاج وأعطاني حتة صغيرة ظهرها أبيض بولي إيثيلين، قالي ده بلاستيك والألومنيا هتكون لبره، يعني البلاستيك لجوه والألومنيا لبره، هو إحنا كنا عايزين العكس، يعني الورق هو اللي لبره مش بلاستيك، والألومنيا لجوه، لو في حاجة مش واضحة أنا ممكن أوضحها أكتر من كده، لو في عينة ورق بولي إيثيلين وكذلك ورق من جوه ميتالايز بولي إيثيلين يلحم يبقى حلو قوي، وإن شاء الله نجرب ربع طن أو نص طن والله المستعان، ربع طن حلو قوي نجربه

العميل : وبستأذن حضرتك يا باش مهندس أي عينة في حدود متر أو حاجة وترسلها مع أي عربية رايحة المنصورة من الموقف وأنا أقابله وأحاسب السواق عليها زي ما كنت بعمل كده ما باقي الشركات اللي كنت باخد منهم عينات ربنا يبارك فيك، ورقم تليفوني هو رقم الواتس، ولو أي بيانات محتاجها أنا تحت أمرك

حاضر من العين دي قبل العين دي، هجيب أنا العينة حاضر وهبعتها لك

المهندس منسي :  هو بالنسبة لنا في طريقتين اثنين للشغل اللي حضرتك بتتكلم فيه ده، في الشغل الأول إن حضرتك تلصق الورق ده على طبقة ميتالايز بولي إيثيلين أو ألومنيوم بولي إيثيلين دي طريقة، ودي أخوك عاملها من سنة 2006، يعني أول ما ابتديت في السوق عملتها

المهندس منسي :  وفي طريقة تانية إنك تاخد الورق مبطن بالألومنيا بولي إيثيلين، أو مبطن بالميتالايز بولي إيثيلين

المهندس منسي : دي طريقة ودي طريقة، والاثنين عندنا مكوناتهم، لا تقلق أنت في أيد أمينة

العميل : ربنا يبارك في حضرتك يا رب

المهندس منسي :  أنا من رأيي حضرتك تبعتلي عينة من الورق مبطن ألومنيوم بولي إيثيلين، أو مبطن بميتالايز بولي إيثيلين على الورق كوشيه أو غيره جاهزة

المهندس منسي :  وكذلك برده فيديو إزاي نبطنها، عشان برده لو بتاع المطبعة لو ماعرفش يطبعها وهي مبطنة جاهزة يبقى إحنا برده ما خرجناش بره الشغل، نقدر نعملها بنفسنا عادي مافيش مشكلة

العميل : أكيد برده الخامات كلها عند حضرتك عشان ما نلفش برده كتير

بشكر حضرتك مرة تانية متنساش والله بشمهندس لو صعب نرسلهم بكرة ممكن آجي بنفسي أقابل حضرتك وآخدهم

العميل : العينة الآن موجودة مع مستر أحمد شوقي 01211116959