اكياس اللامينيشن لتعبئة مواد غذائية من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: مصنع المهندس منسي معايا

المهندس منسي: أيوه

العميل: والله كنت حابب أستعلم بس على أكياس اللامينيشن، تعبئة مواد غذائية سكر ورز وكده، فكنت عايز أعمل شغل عندكم إن شاء الله

المهندس منسي: آه…

العميل: فكنت عايز أعرف إيه الكميات اللي بتعملوها

المهندس منسي: إحنا بنطبع روتوجرافيك، دي أحدث وأجمل أنواع الطباعة، إنت عارف كده

العميل: اللي هي إيه؟

المهندس منسي: اللي هي الطباعة بالروتو، أو الطباعة بالروتو جرافيك، دي أحدث أنواع الطباعة، اللي هوه المنتج بتاعك يبقى شكله من بره يبقى عالي الجودة

العميل: آه… ده المطلوب طبعاً

المهندس منسي: فإحنا حققنا معادلة ما إتحققتش لسه في العالم كله، إن إحنا قدرنا نطبع لغاية 250 كيلو بالروتو

 العميل:  250كيلو

المهندس منسي: آه يعني إنت دلوقتي لما تيجي تشوف الشركات الكبيرة الهاي تكنولوجي، الشركات العالية قوي تليقها ما بتبطعش إلا روتو ليه؟؟؟ عشان خاطر الصغيرين ما يقلدوهمش

العميل: آه طبعاً

المهندس منسي: فأنا بقى حققت معادلة إن طبعت 250 كيلو بحيث إن العميل الصغير يقدر يشتغل زيه زي الكبير بالضبط

العميل: خلاص.. طيب بالنسبة للطن بتاعها عامل كام ولا حسب عدد الألوان ولا إيه

المهندس منسي: دي بتبقى بقى حسب التصميم والديزاين والكمية الخامة اللي إنت هتختارها، في عندنا معروض 300 خامة، هتختار الخامة اللي هتعجبك، السماكة.. حاجات كتير قوي بتحدد السعر يعني

العميل: آه.. يعني مثلاً سمك ، عدد الطبقات حاجات زي كده

المهندس منسي: أيوه..

العميل: طيب آجي لحضرتك إمتى.. أنا جيت لحضرتك المكتب دلوقتي في باب الشعرية…

المهندس منسي: النهاردة أجازة النهاردة الجمعة

العميل: آه.. ما هوه أنا معرفش بقى إن حضرتك بتقفل الجمعة

المهندس منسي: آه…

العميل: آجي لحضرتك إن شاء الله إمتى؟

المهندس منسي: موجودين طول أيام الأسبوع ماعدا يوم الجمعة من الساعة 11-5

العميل: يوم الجمعة أجازة…

المهندس منسي: يوم الجمعة أجازة آه، موجودين طول أيام الأسبوع من الساعة 11-5

العميل: طيب ما اتشرفناش باسم حضرتك؟

المهندس منسي: مع حضرتك المهندس منسي

العميل: أهلاً وسهلاً باش مهندس طيب، يعني في حدود السعر كده يبقى في حدود كام؟

المهندس منسي: ما هوه أنا لو قلتلك حدود السعر أقولك حدود السعر بناء على إيه؟؟ ما هوه لازم يبقى قدامي…

العميل: على أقل حاجة وعلى أعلى حاجة وناخد متوسط

المهندس منسي: ما هو ما ينفعش على أقل حاجة…. لازم نقعد مع بعض ونشوف عدد الألوان، والخامة إيه هي، وتختار الخامة…

العميل: بالنسبة لحضرتكم عندكم تصميمات ولا لاء….

المهندس منسي: ممكن نعرفك على بتاع تصميمات، إنما إحنا ما عندناش تصميمات، يعني ممكن نعرفك على شركة بتعمل تصميمات، ويستحسن لو إنت عملت التصميم على أوفست عادي، اعملها على أي حد يطبع أوفست، وإحنا بناخدها نعدلها على الروتو

العميل: خلاص مافيش مشاكل، متشكرين جداً يا فندم

المهندس منسي: تحت أمرك مع السلامة

العميل: سلام عليكم

المهندس منسي: وعليكم السلام ورحمه الله وبركاته