اكياس مطبوعه لتعبئة الشامبو من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: شركة منسي

المهندس منسي: أيوه

العميل: من فضلك أنا بسأل على كيس اللي هوه بيبقى عامل زي كيس العصير اللي بيبقى ليه سولدر بغطا كده

المهندس منسي: آه

العميل: موجود عند حضرتك

المهندس منسي: يعني إنت عايز كمية أكياس يعني؟

العميل: أنا عاوز أكياس اللي عامله زي كيس العصير سعة 200-400

المهندس منسي: آه كمية أد إيه؟

العميل: يعني الكمية 10 آلاف من كل نوع

المهندس منسي: هيبقى مطبوع ولا هتحتاجه سادة؟

العميل: مطبوع

المهندس منسي: طب كنا عايزين نبص على الطباعة، ونشوف الحجم اللي إنت عايزه إيه، ونشوف الخامة اللي إنت عايزها بالضبط إيه

العميل: هوه الألومنيوم إنت عارف حضرتك اللي هوه كيس الألومنيوم .. أنا هحط فيه الشامبو

المهندس منسي: آه.. ما هوه الألومنيات كتيرة قوي، إحنا عندنا نوعيات ألومنيوم كتيرة قوي، حضرتك هتيجي تشرفنا هتنقي الخامة اللي انت عايزها

المهندس منسي: إحنا عندنا حدائق القبة، مدينة نصر، باب الشعرية

العميل: مفيش حاجة في إسكندرية

المهندس منسي: قريب إن شاء الله هناخد في برج العرب

العميل: إن شاء الله .. مين معايا يا فندم

المهندس منسي: معاك المهندس منسي

العميل: حضرتك صاحب الشركة؟

المهندس منسي: إن شاء الله

العميل: أهلاً بحضرتك يا فندم، أنا معاك د/ محمد عبده صاحب شركة كمبترو للصناعات الدوائية ومستحضرات التجميل

المهندس منسي: هوه عندنا كل أنواع أكياس الألومنيا

العميل:  طيب مش عارف أبعت لحضرتك صورة الكيس اللي أنا عاوزه بس بحجم مختلف

المهندس منسي: ما هوه لازم نقعد مع بعض الأول.. لازم، شايف إن الشغلانة أقل من المشوار يبقى خلاص

العميل: مش فكرة يبقى خلاص، الفكرة كلها إنت عارف القاهرة بالنسبة لنا بننزل بنقول وحياة الغربة اللي إحنا فيها يعني

المهندس منسي: تعالى ديزل أحسن ما تجيش بالعربية

العميل: صعب.. يعني في الغرفة حتى لما بننزل اجتماعات الغرفة بتاعت الدوا بيبقى مشوار ببيبقى عندنا بنتمنى يعني ما بنصدق… طيب خليني أضبط مع سعادتك  مثلاً لو في إمكانية أقول لحضرتك أنا نازل أقرب وقت إمتى، وأقابل حضرتك أنا كنت وصلت الوضع إيه بالضبط وأجيبلك عينة معايا لأن أنا العميل عندي طلب نفس الشكل ده..

المهندس منسي: مفيش مشكلة

يعني إنت عارف إحنا بالنسبة لنا.. أولاً الشغل كله تصدير فالعميل عندي شاف كيس عندي مش عارف مين كان جايبهولي وعاجبه وعايز الحجم ده 200 مللي و400 مللي

المهندس منسي: أنا تحت الأمر يا فندم

العميل: الله يخليك يا فندم  …. ماشي يا باش مهندس شاكر فضل حضرتك وشاكر اهتمامك، ماشي شكراً سلام عليكم

المهندس منسي:  وعليكم السلام  ورحمه الله وبركاته