فلتر بيبر لتعبئة الشاي من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : مش ده برده شركة المهندس منسي

المهندس منسي : أيوه

العميل : والله حضرتك كنت بسأل على فلتر بيبر بتاع مكنة الشاي اللي هي الفتلة

المهندس منسي : آه

العميل : أنا كنت محتاج يعني 25 كيلو لو ممكن؟

المهندس منسي : ممكن إن شاء الله

العميل : طيب السعر كام يا فندم وأستلم منين حضرتك؟

المهندس منسي : إنت عايز عرض كام؟

العميل :125

المهندس منسي : 125 مللي؟

العميل : آه

المهندس منسي : هوه طبعاً عملية السعر أنا مش قادر أشوف لحضرتك السعر بالضبط لأنه ال عمال يطلع ينزل معفرتنا، فأنا هبعتلك دلوقتي تليفون المبيعات وحضرتك تابع معاهم وهمه هيدولك الأسعار وكل حاجة، إحنا عندنا حدائق القبة، مدينة نصر، باب الشعرية، 6 أكتوبر، حضرتك تفضل أنهي

العميل : فين يا فندم معلش تاني كده؟

المهندس منسي : حدائق القبة، مدينة نصر، باب الشعرية، 6 أكتوبر

العميل : لأ يبقى مدينة نصر أو باب الشعرية

المهندس منسي : ماشي هبعتلك العنوان في رسالة حالاً

العميل : بكلم مين حضرتك؟

المهندس منسي : أنا المهندس منسي، اللي حضرتك هتكلمه في مدينة نصر المهندس أحمد حسن

العميل : أهلاً بحضرتك يا باش مهندس وآسف للإزعاج أنا قصدي أكلم حد من الموجودين عند حضرتك

المهندس منسي : لا خد راحتك يا باشا

العميل : كتر خيرك، ماشي يا فندم، مستني الرسالة من حضرتك إن شاء الله

المهندس منسي : ماشي

العميل : شكراً جزيلاً لحضرتك، مع السلامة