ماكينة تغليف فلوباك من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : حضرتك كنت بسأل على المكنة الفلوباك اللي هي البكر بتاعها بيبقى لأسفل سفلي

المهندس منسي : الـ إيه؟

العميل : المكنة الفلوباك اللي التغليف بتاعها بيبقى سفلي اللي هي البكر بتاعها بيبقى تحت

المهندس منسي : آه موجودة

العميل : حضرتك عامله كام؟

المهندس منسي : عامله كام إيه؟

العميل : فلوس… سعرها كام يعني؟

المهندس منسي : تعالى نورنا وشرفنا بالزيارة واتفرج عليها، دي مكنة مش مكنة بسيطة عشان أقولك عامله كذا، ما هو في الآخر إنت هتقعد تسمع الأرقام في التليفون وبس، ما هو لو إنت عايز تبص على السعر في عندي مكنة عامله 14000 جنيه، وفي مكنة عامله 50000 وفي مكنة عامله 100000، وفي مكنة عامله 200000….. أنهي أسعار، فدي مكنة ما ينفعش يتقال سعرها في التليفون وإلا يبقى أنا بجيب رجلك وبس

العميل : أنا بتكلم على المكنة اللي هي يعتبر….

المهندس منسي : وحد الله… حضرتك قاعد مشكوراً دلوقتي في الأنتريه معزز مكرم بتتصل بالتليفونات بدور على…

العميل : والله لا في الأنتريه ولا حاجة

المهندس منسي : ماشي.. بدور على مين بيتكلم أفضل، ما ينفعش، إنت بتسأل الأول هل المكنة دي موجودة؟ فنقلك موجودة عشان بس ما تطخش المشوار أونطة، تقوم تيجي تتفرج على المكنة وتمام التمام تقولي بقى سعرها كام دي لو عجبتك؟ أما ينفع إن أنا أتصل بيك النهاردة أقولك عندك تيويوتا كرولا، تقولي آه، أقولك بكام؟؟؟ ما هو بكام إيه؟ وموديلها إيه؟ ونوعها إيه؟ و.. و.. و…. ما ينفعش

العميل : يعني حضرتك في اللي هي الجزء بتاعها من تحت ديت في أكتر من حاجة تقصد؟

المهندس منسي : آه.. ولكن هوه المكن اللي عندنا إحنا زي ما تقول إحنا تعبنا فيها قوي، وعاملين جودة عالية قوي وأبشن عالي، هقول سعر في التليفون ما هو كده بساوي نفسي بزعبلة القلة، بساوي نفسي بأي حد بيعمله حتتين كده ويهنكش ويعملهم، ما هو أنا أول ما ابتديت كنت بصنع مكن الفلوباك بـ 17000 جنيه مصري، معايا، وبعد كده قالك لأ إحنا مش عايزين ميكانيكا، إحنا عايزنها مش عارف إيه، زاد السعر بقى 35000، جيه ال راح مولع فينا بنبص السعر زاد لوحده، شيلنا الميكانيكا وحطينا كهربا، لقينا السعر زاد لوحده… وهكذا، فكل ما زاد الأوبشن كل ما زادت تكلفة المكنة، فالنهاردة كونك إنك تقول بكام أنا عارف دلوقتي إنك بتقول بكام لمقارنة السعر، هدور على سعر أرخص، ما هو أنا ممكن أعمل أي مكنة في أي حاجة كده المهم أجيبلك سعر أرخص وبس، بحيث إنك ما تقولي بكام أقولك بكذا شفت بقى، إنت فهمت دماغي ولا ما فهمتش

العميل : فاهم والله الكلام كله محترم بس أنا…. أنا برده اللي أقصده إنك تقولي مثلاً دي بكذا موديل كذا، هل عندك زي ما بقولك…

المهندس منسي : آه إن شاء الله موجود

العميل : أكتر من حاجة يعني؟أكتر من موديل؟؟

المهندس منسي :  لا هوه موديل واحد، بس هتشوف بقى الجودة بتاعت الشغل وهتشوف التقنية بتاعت العمل….

العميل : نفس العنوان دوت، قسم باب الشعرية

المهندس منسي : هبعتلك أنا العنوان في رسالة دلوقتي حالاً

العميل : طيب ماشي لو سمحت

المهندس منسي : ماشي مع السلامة

العميل : المهندس مين معايا بقى؟

المهندس منسي : المهندس منسي

العميل : ماشي يا باش مهندس

المهندس منسي : ماشي يا باشا مع السلامة