ماكينة تعبئة باكتات السكر والملح الخاصة بالمطاعم من شركة المهندس منسي
العميل : سلام عليكم.
المهندس منسي : عليكم السلام ورحمة الله وبركاته
العميل : شركة المنسي.
المهندس منسي : أيوه.
العميل : طيب أنا اسمي محمد وفيق صاحب مطعم إيطالي حالياً بنفتح فرعنا الكبير هنا التاني في التجمع الخامس وقدمنا حوالي شهر كده على الافتتاح وكنت محتاج أقابل مندوب من عند حضراتكم بخصوص الباكينج لأني أنا عايز أعمل سكر وملح وفلفل وفي بهارات معينة خاصة بيا أنا عايز أعملها كمان في باكتيتات، فممكن إيه.. يعني.
المهندس منسي : هو إحنا بننشأ مصانع، يعني إحنا بنبيع المكن وبنبيع ورق التغلفة.
العميل : آه فهمت كده، بس كان في إعلان في نفس الصفحة إن بتبيع ده وكمان بتعمل باكينج، ولا مش بتعمله؟
المهندس منسي : آه بنعمل الباكينج القصد منها إن إحنا بنعمل ورق التغلفة…
العميل : خطوط إنتاج.. خطوط إنتاج للي بيشتغل فيها.
المهندس منسي : أيوه.
العميل : مش بتعبوها بنفسكم؟
المهندس منسي : آه لأ مش إحنا اللي بنعبي لأ.
العميل : طيب، أستأذن حضرتك في سؤال تاني معلش.
المهندس منسي : اتفضل.
العميل : اعتبرني شغل لحد من عملاء حضرتك اللي اشترى منك السيستم مؤخراً إن أنا عايز أعمل شغل رشحلي حد يعني بيعمل ده.
المهندس منسي : ده تكلم بقى المبيعات، اعمل سيرش اكتب فيه مبيعات المهندس منسي ممكن يتفكرولك حد من اللي بيعمل كده، من اللي بيعبي الأكياس، إنما أنا عن نفسي مش هقدر أتذكر.
العميل : طيب وده موجود رقم المبيعات موجود في نفس الصفحات اللي فيها تليفون حضراتكم والواتس ؟
المهندس منسي : إنت ممكن تكتب سيرش تكتب….
العميل : أنا عندي التليفون الأرضي، أكلم حضراتكم على التليفون الأرضيولا هنا ع الواتس برضوا؟
المهندس منسي : لا وحد الله.
العميل : لا إله إلا الله.
المهندس منسي : ممكن تكتب مبيعات المهندس منسي.
العميل : تمام.
المهندس منسي : في سيرش جوجل.
العميل : أوكيه، متشكر لحضرتك يا فندم. سلام.
