علب الكريمات واللوشن من شركة المهندس منسي

العميل: سلام عليكم

المهندس منسي: أيوه وعليكم السلام

العميل: أيوه يا فندم شركة المنسي

أيوه اتفضل

العميل: معاك د/ عناد

المهندس منسي: أهلاً بيك

العميل: أنا كنت شفت السايد على النت وبتصل بخصوص العلب بتاعت الكريمات واللوشن وحاجات زي كده

المهندس منسي: آه…

العميل: أنا مش عارف اتصلت بأنهي فرع، ده بتاع حدائق القبة ولا باب الشعرية ولا مدينة نصر؟

المهندس منسي: لا هوه أنا الاستشاري بتاع الفروع كلها

العميل: آه.. تمام… طب أنا عايز في مثلاً مكان حضرتك بتقعد فيه مكتب أو كده أشوف عبوات وكده

المهندس منسي: آه في أي فرع من الفروع اللي حضرتك قلتلي عليها ديت تقدر تروح تتفرج على العينات وتتفرج على الصور والحاجات دي

العميل: تمام… والأسعار معاهم ولا معاك، تديني خلفية عنها

المهندس منسي: معاهم آه

العميل: العلب اللي هي… معلش سؤال بس، طبعاً عارف شغل الأحمر وكده، هل في حضرتك درجات تانية، يعني في علب إزاز حاجات أحسن من كده شوية جودة ولا نفس شغل بتاع مطاوع وأشرف والناس دي

المهندس منسي: لا إحنا ملناش علاقة بكل الأسامي اللي قلت عليها، إحنا بنعمل ديزاين وبعد كده بنبدأ نشتغل عليه، بناء على رسومات هندسية

العميل: حلو قوي… تمام… حتى يعني أنا لو معايا علبة تقدر تعملها

المهندس منسي: شغل هاي كواليتي

العميل: أيوه بالضبط كده أنا بدور على علب لأني أنا عندي منتجاتي

المهندس منسي: واحد ييجيلي ياخد 200 عبوة يعمل زيك، ما ينفعش

العميل: آه.. آه… طب أقل كمية تبقى كام مثلاً؟

المهندس منسي: في حدود 25000

العميل: آه مش أقل من كده

المهندس منسي: لأ ما هو براحتك..

العميل:  بص حضرتك الاستشاري، عشان أكون معاك صريح، أنا دلوقتي وحاجات زي كده  تمام، فحضرتك عارف حتة الصيدلية مش زي حتة الشركة، تمام، بس أنا عايز أبيع حاجتي بشكل مختلف، في علبة نظيفة شيك شويه

المهندس منسي: إحنا سبورت بس على المصانع والشركات الإنتاجية، أما الهواة مش تبعنا، مش الكاتجري بتاعنا، هيبقى العملية بالنسبة لهم مكلفة، ليه لأن إحنا هنعملهم اسطمبة، والاسطمبة هتتكلف و… و…. و…. هتلاقي المحصلة في الآخر صفر

العميل:  تمام فهمتك… طب افرض إنت مثلاً عندك شكل عبوة معينة عجبني

المهندس منسي: إحنا ماعندناش عبوة بنبيعها، إحنا بنعمل لكل شركة عبوتها، بالديزاين بتاعها، مش شغل  مش تبعنا

العميل: ماشي.. ماشي… بس أنا على فكرة ما ينفعش تقولي هواة يعني، أنا مش هواة، أنا بسألك باخد منك تفاصيل، اللي هوه حاجات مش كمية

المهندس منسي: يعني إنت مصنع؟

العميل: لأ أنا مش مصنع، بس أنا عايز آخد الكمية اللي أنا عايز آخدها، مش حكاية مصنع يعني، مش المصنع اللي هوه معاه فلوس وبياخد يعني، أنا بستفسر منك يعني

المهندس منسي: إحنا دخلنا الفلوس ليه، أنا بتكلم…

العميل: لأ إنت بتقول 25000 إنت عارف بتقول التكلفة مش جايبه همها فأكيد في فلوس

المهندس منسي: أنا بتكلم على حضرتك، إنت هتاخد كمية مثلاً 25000 يبقى ما تبقاش مصنع، العميل: ماشي يا باشا مع السلامة