علب سبوع بلاستيك شفافة من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : لو سمحت مش دي شركة بلاستيك
المهندس منسي : آه
العميل : طيب ممكن عايز أسأل على علب اللي هي الشفافة اللي بيتحط فيها الهدايا وتتقفل فيها السبوع والحاجات ديت، متوفرة عند حضرتك؟
المهندس منسي : إنت عايزه كمية أد إيه؟
العميل : والله حضرتك بتطلع بداية من كام، أنا محتاجة مثلاً قول 100 عبوة ولا حاجة
المهندس منسي : لا ده إحنا بنصنع، يعني بتجيبلنا العينة وإحنا بنصنعلك كميات منها
العميل : آه تمام.. طب حضرتك ما بتوزعش عند حد يكون بيبيعها وتعرفني مكانها طيب
المهندس منسي : لأ هوه كل واحد بيجي ياخد الاسطمبة بتاعته وبعد كده نصنع له كميات كبيرة ما بنهتمش إن نقعد نحافظ على عملائنا
العميل : طيب ماشي يا فندم شكراً
المهندس منسي : سلام
العميل : شكراً
