علبة قطارة 30 مم من شركة المهندس منسي

العميل : سلام عليكم.

المهندس منسي : عليكم السلام

العميل : شركة المنسي يا باشا.

المهندس منسي : أيوه

العميل : لو سمحت عايز أسأل، عايز أعمل علبة 30 مم قطارة.

المهندس منسي : آه.

العميل : دي ممكن أعملها عند حضرتك ولا.

المهندس منسي : آه ممكن آه بنعمل بس الاسطمبة الأول الاسطمبة بتتكلف ، وبعد كده بنعمل العبوات بناء عليها.

العميل : وتقريباً كده لو العلبة وزنها حوالي 8 جم الألف يطلعه بكام، أو العشر آلاف بكام؟

المهندس منسي : لا هوه حضرتك بتوزن العبوة وتضرب في 35 جنيه.

العميل : بوزن العبوة وأضرب في 35 جنيه ليه، الكيلو يعني ولا إيه؟

المهندس منسي : آه كيلو العبوات وهي فارغة آه.

العميل : طيب خلاص ماشي هضربها كده، بس الاسطمبة دي مافيهاش كلام؟

المهندس منسي : صدقني أنا مقدرش اغير دي أسعار المكان.

العميل : ما أنا فاهم يا فندم بس أنا يعني بقول….

المهندس منسي : اسطمبة القطارة بالذات يا رب يسهل بس ونلاقي بريفور الخاص بيه، اسطمبة القطارة فيها مشكلة شوية عشان هي ما تبقاش نفخ بس.

العميل : آه…

المهندس منسي : بتبقى حقن نفخ.

العميل : حقن نفخ آه، أنا قابلت حضرتك قبل كده وجيتلك بس أنا نسيت العنوان والله، إنتم في باب الشعرية.

المهندس منسي : هبعتهولك في رسالة دلوقتي.

العميل : أجيلك النهاردة؟

المهندس منسي : تيجي في أي وقت حاضر، تعالى وقابل الناس عادي يعني، مش شرط أنا.

العميل : طب تبقى موجودين من الساعة كام طيب؟

المهندس منسي : من 11 -9.

العميل : طب خلاص ابعتلي العنوان في رسالة وأنا هجيلك بعد المغرب كده.

المهندس منسي : ماشي، هتلاقي في الرسالة تليفونات المبيعات تابع بقى معاهم.

العميل : خلاص أنا هروح وهقابل أي حد منهم وهأحاول أتفق معاه.

المهندس منسي : ماشي يا غالي.

العميل : ماشي تسلملي يا باش مهندس، يا أهلاً بيك، مع السلامة.