ماكينة تعبئة زيوت من شركة المهندس منسي
العميل : سلام عليكم
المهندس منسي :عليكم السلام ورحمة الله وبركاته
العميل : المنسي يا باشا
المهندس منسي :أيوه
العميل : إزيك يا باشا
المهندس منسي :الحمد لله
العميل : كنت عايز أستفسر بالنسبة للمكينات اللي عندك، ماكينات إيه اللي عندك؟
المهندس منسي :مكنات إيه…. إنت عايز مكن إيه؟
العميل : تعبئة.. تعبئة
المهندس منسي :كل المكن بتاع التعبئة والتغليف عندنا
العميل : آه.. تعبئة الزيوت وكده؟
المهندس منسي :إن شاء الله
العميل : وفي شحوم كمان؟
المهندس منسي :إن شاء الله
العميل : طيب المكنة بتاعت الشحم دي بتسيح الشحم وبعد كده بتعبي ولا إيه؟
المهندس منسي :لأ هات الشحم بتاعك وإحنا بنوريلك هي بتشتغل إزاي
العميل : ما أنا… بتسيح؟
المهندس منسي :لأ ما بتسيح، بتحط الشحم على كده
العميل : دي عامله كام بتاعت الشحم يا باشا؟
المهندس منسي :بتبدأ من 10500
العميل : مافيش أقل يعني؟
المهندس منسي :في آه.. في أقل في حاجة عامله 8500 كده يعني
العميل : آه… آه… طب دي تفرق إيه عن أم 10؟
المهندس منسي :السعة
العميل : إم 8 دي بتشيل كام كيلو…
المهندس منسي :شوف إنت عايز إيه وحدد بس بالضبط وإحنا إن شاء الله هنقولك دي…
العميل : ما أنا محدد، أنا بس عايز أعرف بس بستفسر
المهندس منسي :عايز تعبي كام جرام؟
العميل : مثلاً 400 ـ 500 جرام مش هتزيد عن كده
المهندس منسي :آه دي هتبقى عامله 10500
العميل : والـ 400 جرام أم 8؟
المهندس منسي :لا ما هي اللي بتعبي 500 هي اللي بتعبي الـ 400
العميل : آه.. آه… بتعبي أد إيه في الساعة؟ كام علبة مثلاً؟
المهندس منسي : 1500
العميل : بس مش كتير 10 طيب، مافيش أي تكاية كده؟
المهندس منسي :بقول ادعي لأبوك السيسي ربنا يهديه علينا
العميل : آه…. المشكلة أصلاً مش هيهدي علينا إحنا
المهندس منسي :ربنا يهديه
العميل : آه.. آه.. يعني مافيهاش تكايه ولا حاجة؟
المهندس منسي :الدنيا بتقفل، الدنيا بتتقفل يعني، ال عمال يزيد يوم عن يوم، لو إنت اشتريت النهاردة إنت كسبان، وإحنا خسرانين
العميل : تمام… بس أنا قاصد يعني لو في تكاية كده أنا لسه…
المهندس منسي :إحنا أسعارنا نهائية إحنا شركة إنترناشيونال
العميل : أصل أنا أعرف إن في مكن بسيح الشحم، هوه ده اللي أنا عايز أعرفه
المهندس منسي :عشان في شحم ما يرجعش يمسك تاني، وفي شحم يمسك
العميل : مضبوط آه…طيب ماشي يا فندم..
المهندس منسي :ماشي
العميل : شكراً يا فندم مع السلامة
