ماكينة لصق الأستيكر علي العبوات من شركة المهندس منسي
العميل : سلام عليكم
مهندس منسي : وعليكم السلام ورحمة الله وبركاته
العميل : حضرتك أنا كنت عايز المكنة اللي بتعمل تغليف لعلبة مدورة قطرها 8.5سم
مهندس منسي : إنت عايز تغلف علبة مدورة
مهندس منسي : موجودة آه
العميل : موجودة بتغلف العلبة كلها؟ وبتلزق استيكر على العلبة؟
مهندس منسي : آه موجودة آه
العميل : تلزق استيكر على العلبة كلها..
مهندس منسي : إنت عايز لزق استكير ولا عايز مكنة تغليف؟
العميل : أنا عايز… أنا عندي الاستيكر أنا عايز المكنة اللي تغلفها لي بقى، أنا عندي الاستيكر
مهندس منسي : آه…. فأنت عايز تلصق الاستيكر على العلبة
العميل : آه بالظبط كده
مهندس منسي : دي ما تبقاش مكنة تغليف، دي تبقى مكنة لصق استيكر
العميل : مكنة لصق استيكر، دي عند حضرتك؟
مهندس منسي : عندي آه
العميل : بتعمل كام طيب
مهندس منسي : لصق الاستيكر بتعمل ، ومكنة التغليف بتعمل 430 ، علماً بأن ال نعامله بعشرة جنيه اليوم، سعر اليوم 10 جنيه
العميل : هوه خلاص رفعوه في المركزي؟
مهندس منسي : لا والله مارفعوهوش ولا حاجة، إحنا اللي بنعمل تسعيرة كده مع دماغنا …
مهندس منسي : هوه بره في السوق بـ 12 فإحنا منافسين السوق بنبيعه بـ 10، مش بنبيعه…. بنعتبره لسه بـ 10 لسه ما فقناش.. لسه ما فقناش…
العميل : يعني بتاعت تغليف الاستيكر بـ 10000، طب هنا عندي سؤال بس الورق….
مهندس منسي : هوه أنا بسمي بال ليه؟ أنا بسمي بال علشان خاطر إذ ربنا يعلى أكتر من كده فهتقلي لأ أنا بلزمك بالسعر اللي إنت قولتهولي في التليفون، لأن إحنا ناس محترمة…
العميل : بـ بـ 10 ج
مهندس منسي : آه…
العميل : تمام.. المكنة نفسها موجودة هل بتعمل تخانات، بتعمل كام سم
مهندس منسي : بتعمل كل الأقطار آه
العميل : يعني كل الأقطار شغاله عليها المكنة مافيهاش مشكلة
مهندس منسي : إن شاء الله
العميل : خلاص ماشي، طب ممكن أعرف العنوان بالضبط فين؟
مهندس منسي : هبعتهولك حالاً
العميل : ماشي يا فندم شكراً لحضرتك
مهندس منسي : مع السلامة
العميل : شكراً يا فندم مع السلامة
