ماكينه لحام اكياس صغيره  من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: مع حضرتك د/ أحمد شركة فلوري للأدوية

المهندس منسي: آه…

العميل: كنت بسأل على المكنة بتاعت تعبئة البودرة من 10 جرام ـ 100 جرام

المهندس منسي: هوه إنتم بتعبوا حنة؟

العميل: هي حاجة زي الحنة، بس إحنا بنعبي البودرة بتاعت الصراصير

المهندس منسي: الفلوري ده بتاع حنة

العميل: آه ده فرع تاني

المهندس منسي: آه إنتم نفس الشركة يعني؟

العميل: لا إحنا شركة أدوية، شركة مستحضرات تجميل

المهندس منسي: لا تحت أمرك اتفضل، ماشي موجودة آه

العميل: طب هي تعمل كام؟

المهندس منسي: تعمل في حدود 38000

العميل: مافيش حاجة أصغر شوية يا فندم؟

المهندس منسي: إنت عايزها حاجة أصغر عشان السعر ولا عشان إيه؟

العميل: لأن اللي أنا هحتاجها بس لتصنيع البودرة بتاعت الصراصير فمش محتاج الحجم كبير، أنا محتاج حجم صغير جست اللي هوه يعمل التيلينج يلحم ويقفل بس وخلاص

المهندس منسي: آه… دي مكنة عامله 1500 جنيه

العميل: ده تبع حضرتك برده

المهندس منسي: إن شاء الله

العميل: إن شاء الله رب العالمين، طب أنا أعرف إن حضرتك المكان بتاعكوا في القاهرة

المهندس منسي: آه…

العميل: بس مش عارف بس ظروفنا لو حابب آجي لحضرتك في يوم، مواعدكوا إيه، وأجازتكوا إيه؟

المهندس منسي: إحنا عندنا حدائق القبة، مدينة نصر، باب الشعرية

العميل: الأيام بتاعتكوا والمواعيد؟

المهندس منسي: كل أيام الأسبوع ماعدا يوم الجمعة

العميل: طيب على خير إن شاء الله

المهندس منسي: من 11-9 هوه أقربلك فرع إيه؟

العميل: هوه أنا بالنسبة لي إسكندرية، لو في حاجة تبعك في إسكندرية أو دمنهور أو طنطا..هيبقى قريب قوي….طيب هبقى آجي لحضرتك قريب قوي بإذنك يا رب، أنا أستسمحك بس تديني رقم الموديل بتاع المكنة ممكن أبص على الصفحة بتاعت حضرتك

المهندس منسي: أبعت لحضرتك الـ إيه… الموديل إزاي؟

العميل: أنا أعرف إن كل حاجة عندكم بموديل موجودة حاطينوا على….

المهندس منسي: آه… آه… هوه رقمها 301

العميل: طيب ماشي دي يا فندم بتعبي وتلحم

المهندس منسي:لأ.. تلحم بس، اللي بتعبي في مكنة عامله 5600 وفي مكنة عاملة 10500

العميل: طيب أم 5600 دي رقمها كام؟

المهندس منسي:لا دي إنتاج جديد ما سميناهوش لسه

العميل: آه…. آه…

المهندس منسي:يعني ما حدش عنده في العالم كله زيها

العميل: ربنا يبارك لك

المهندس منسي:مكنة وزنية صغيرة كده، حضرتك بترمي فيها هي تقعد تهزه كده وترميلك الناحية التانية

العميل: طيب كويس..بس دي موجودة عندك حالياً مش في الصين ولا حاجة؟

المهندس منسي:لا.. لا.. لا موجودة بضاعة حاضرة

العميل: طيب خلاص هتشرف بزيارة حضرتك إن شاء الله وهكون سعيد بمعرفة حضرتك يا فندم

المهندس منسي:الله يبارك لك

العميل: ربنا يخليك يا فندم.. ربنا يخليك.. متشكر جداً

المهندس منسي:مع السلامة

العميل: اتفضل يا فندم مع ألف سلامة