مكن تعبئة الزيوت الاتوماتيك والنصف اتوماتيك من شركة المهندس منسي

العميل : السلام عليكم

المهندس منسي : وعليكم السلام

العميل : شركة المهندس منسي معايا ؟

المهندس منسي : ايوه .

العميل : طيب انا اخد رقم حضرتك بتاع الواتس من على النت .

المهندس منسي : اه .

العميل : بس كنت عايز اسال حضرتك على حاجة حاجة بس لانى كنت فكرت ان اعمل موضوع اللى تعبئية الزيوت

ديه وبصراحة مكنش عندى اى فكرة عندى خالص وبصراحة دخلت على النت وكنت بدوره فشوفت المكن بتاع حضرتك وكده .

المهندس منسي : اه

العميل : بس فانا كنت بشتغل فى الاول كان عندى مزرعة دواجن وقبلها كنت عاملة مزرعة اغنام فالموضوع عشان روح طلع روحى انا بصراحة يعنى .

المهندس منسي : اه اه

العميل : فكان حد قالى على الموضوع ده فدخلت ودورت وكده فاخد رقم حضرتك فلو ممكن افهم شوية عن الموضوع لو عايزة اعمله وحد يساعدنى فيه وازاى اعمله ومن حضرتك اجيب من حضرتك المكن وكده .

المهندس منسي : ان شاء الله تيجي وتنورينا فى اى وقت

العميل : نعم

المهندس منسي : تيجي وتنورينا فى اى وقت

العميل : طب حضرتك مكتبك فين

المهندس منسي : احنا عندنا باب الشعرية ، مدينة نصر ، حدائق القبة ، 6 اكتوبر

العميل : الو ، الو

المهندس منسي : بقولك لحضرتك عندنا باب الشعرية ، مدينة نصر ، حدائق القبة ، 6 اكتوبر

 

العميل : طيب فين حضرتك ؟

المهندس منسي : احنا عندنا حدائق اقبة ، مدينة نصر ، باب الشعرية ، 6 اكتوبر.

العميل : فى فى 6 اكتوبر؟

المهندس منسي : اه اه

العميل : انا قاعدة فى الشيخ زايد اصلا حلة كده فممك تقولى فين من زايد بالظبط ومواعدكم ايه وممكن اروح انا بسال بس لو فى حد مثلا يعمل دراسة جدول ؟

المهندس منسي : احنا مش بتوع دراسة جدول احنا بتوع مكن وخامات وعبوات وكده يعنى انما عملية دراسة جدول مش بتعتى .

العميل : اها ها .

المهندس منسي : احنا بنبيع المكن اللى هيعي لحضرتك الزيوت ونبيع العبوات وبنعملك الاسطمباط وبتتعملك مكن البلاستيك نفسه لو انتى عايزة اما بالنسبة لنا اننا نعملك دراسة جدول ده مش بتاعتنا .

العميل : تمام طيب ممكن مين يساعدنى فى الموضوع ده ؟

المهندس منسي : قدامنا فى شركة هتنزل مصر قدامها 4 شهور هتعمل راسة جدول حقيقة اما دلوقتى انا معرفش حد .

العميل : طب حاليا فى الاسعار اللى احنا فيها بتاعة ال وطبعا حضرتك عارف ناس كتير وكتير من الشغل بيخسر يعنى الموضوع ده ممكن يتعمل دلوقتى ولا استنى عليه شوية ولا ايه ؟

المهندس منسي : بصي انتى ادرسي تسويقه وبعد ما بتدرسة تسوقيه بناء عليه بتقولى اه هخش ولا مش هخش يعنى انتى صاحبة القرار .

العميل : اه ما عشان كده انا كنت عايزة اعرف التكاليف بتاعته والانتاج هيبقي قد ايه ؟

المهندس منسي : اه اه .

العميل : والكلام ده

المهندس منسي : تكاليف وانتاجه انتى بتيجي تقولى لنا انا عايزة مكن بالنسبة لنا احنا نبعتلك مكن اما بالنسبة لتكاليف ايه تكاليف المكن ديه عندنا تكاليف العبوات ديه عندنا تكاليف الزيت ديه بتاعتك ديه مش عندنا .

العميل : طب حضرتك عندك فكرة عنها ؟

المهندس منسي : لا انا معرفهاش لاننا بنشتغل على مجالات كتيرة بنشتغل على الزيوت والصابون وبنشتغل على البطاطس والمكرونة وعلى البقوليات وعلى مستحضرات التجميل والكيماويات والمبيدات فبشتغل على كل المجالات .

العميل : هو انا كنت واخدة قبل كده توكيل من شركة بيتى بتاعة العصير وكنت بوزع لبتوع جملة وكده ففكرة التسويق ديه انا عندى ناس تجار .

المهندس منسي : هما دولا اللى ممكن يساعدوكى تقولى ليهم انا هجبلكم زيت هتاخدوا بكام منى فواحد مثلا يقولك ب 5 هتجيبي اللى بعده هتاخد منى بكام هيقولك بكذا مثلا باى سعر فهتقوليله لا ده انا فيه قالى ب5 ونص بحيث انك تتحري لغاية ما توصلى للسعر الحقيقى اللى انتى هتبدي بيه وبعد كده تبدى تجيبي الزيت بتاعك وتشوفى تكلفته كام وكده .

العميل : طيب طيب ممكن اعرف انتوا فين بس فى زايد اقصد فى 6 اكتوبر ؟

المهندس منسي : انا هبعتلك العنوان فى رسالة دلوقتى حالا .

العميل : ايه ؟

المهندس منسي : انا هبعتلك العنوان فى رسالة دلوقتى حالا .

العميل : طيب اوكى ميرسى جدا لحضرتك .مع السلامة

المهندس منسي : مع السلامة