ماكينة فاكيوم موديل 605 ماركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: باش مهندس اللي معايا

المهندس منسي: أيوه

العميل: أيوه يا فندم أنا كنت قريت على الموقع بتاعكم على النت إن في مكنة عندكم فاكيوم إم تو باك 605

المهندس منسي: آه

العميل:  أنا بدرس دلوقتي عمل مشروع اللي هوه علب الزبادي وعلب الكشري والكلام ده عن طريق مكنة الفاكيوم، فكنت عايز أعرف سعر المكنة اللي حضرتكم بتنتجوها إيه، وهل هي مناسبة للمشروع ده ولا لأ؟

المهندس منسي: هوه المكنة دي أعلى نسبة فاكيوم ليها 5سم، هي للفاكيوم وبتعمل….

العميل: يعني إيه؟؟؟ معلش أنا معنديش خبرة في الموضوع شويه فياريت حضرتك توضحلي

المهندس منسي: ارتفاع العلبة نفسه، مش العلبة ليها قطر وليها ارتفاع

العميل: آه.. آه ارتفاع العلبة اللي هي العمق بتاعها من جوه

المهندس منسي: آه العمق هوه 5سم

العميل: يعني علبة زبادي لكن ما تنفعش علب كشري

المهندس منسي: لا تنفع..لا كشري لأ، زبادي تنفع ولكن كشري لأ

العميل: أيوه..مفيش بقى مكنة تانية يكون الارتفاع بتاعها ينفع علب الكشري

المهندس منسي: فيه مكنة تانية أعلى، لكن بقول لحضرتك الموديل الموجود دلوقتي بضاعة حاضرة اللي حضرتك شوفته المكنة دي يعني 15000 جنيه ودي أعلى ارتفاع للفاكيوم أياً كان الحجم أو القطر، أو أياً كان الحجم في الطول أو العرض، لغاية 5 سم العمق، أما … عمق يعني ارتفاع واخد بال حضرتك

العميل: طب الأعلى من كده عامله كام؟

المهندس منسي: اللي أعلى من كده حضرتك بقى هتراسل الشركة عليه

العميل: طيب هوه المكنة ديت اللي عند حضرتك بتقص ولا لازم مقص…

المهندس منسي: لأ في مقص تاني بيركب عليها، مش بيركب عليها جنبيها

العميل: جنبيها … بكام بقى دوت؟

المهندس منسي: والله مش كله، في حاجة بتبقى نظام درافيل، وفي حاجة نظام هيدروليك، وفي حاجة إنك إنت بتعملها يدوي

العميل: آه

المهندس منسي: دي بتبقى حاجات بنقعد نحسبها مع بعض، لما تنوي إن شاء الله نقعد نحسب المقص مع بعض

العميل: تمام… أنا لو كده ممكن إن شاء الله أبقى محتاج المكنة الأكبر اللي هي بتعمل عمق أو ارتفاع أعلى، يعني لو جيت عند حضرتك برده دي هنراسل الشركة ونعرف القصة بكام صح كده

المهندس منسي: آه..

العميل: تمام يا فندم.. مرسي يا فندم لذوقك

سلام