مكنة لتعبئة الكلور والفلاش من شركة المهندس منسي

العميل: سلام عليكم

المهندس منسي: وعليكم السلام ورحمة الله

العميل: من فضلك كنت عايز مكنة مثلاً اللي هي بتعبي الكلور والفلاش وكده يعني

المهندس منسي: بتعبي كلور وفلاش

العميل: آه… وبيتحطلها موديل زي المكن

المهندس منسي: آه… إنت عايزها في إيه في عبوات ولا في أكياس؟

العميل: أنا هعبي في أزايز

المهندس منسي: آه.. هي عندنا الموديل بتاعها 403 و412 و414

العميل: لا في مكنة غير دول، أنا شفت دول، في مكنة تانية بس مش بالدراع الموديل، كاتبين إنتم بتعبي كلور وفلاش ومش محتاجه هوا ولا كهربا

المهندس منسي: إزاي…. طالما مكنة يبقى محتاجة كهرباء

العميل: أنا جيبت المعلومات من بتاعكم، لو تحب أبعت لحضرتك اللينك…

المهندس منسي: ابعتلي اللينك آه بالتأكيد في حاجة غلط إحنا نصلحها

العميل: طب حضرتك ابعتلي الإيميل بتاعكم أبعتهولك دلوقتي حاضر

المهندس منسي: هبعتهولك في رسالة حالاً

العميل: أنا حتى علقت عليها تحب أقول حضرتك اسمها إيه علشان خاطر لو أقدر أتواصل علشانها

المهندس منسي: بس هوه التعليقات بنبص نلاقي إيه كتير وهاكر

العميل: طب خلاص حضرتك ابعتلي الإيميل دلوقتي وأنا هبعت لحضرتك اللينك بتاعها دلوقتي حالاً

المهندس منسي: ماشي يا غالي

العميل: ماشي حضرتك …  أيوه يا باش مهندس أنا بعت لحضرتك الإيميل

المهندس منسي: آه.. كويس ماشي

العميل: طيب من فضلك شوفه وعرفني إذا كانت موجودة ولا لأ، علشان أشوف بديل لو كانت مش موجودة، أو أكلم حضرتك أنا تاني ولا إيه

المهندس منسي: لا إن هنشوفها وهنرد عليك على طول

العميل: طب أنا منتظر حضرتك، أنا كاتب لحضرتك برده التليفون في الإيميل

المهندس منسي: ما هوه مش هنرد عليك في نفس اليوم، إحنا بنرد عليك تاني يوم أو تالت يوم

العميل: براحتك ما فيش مشكلة، ربنا يسهل، شكراً، ماشي