مكنه شرنكه فوهه عبوات المياه المعدنيه من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: آه يا باشا بقول لحضرتك إحنا عايزين حاجة عارف حضرتك إزازة المياه المعدنية بيبقى فيه بلاستيك فوقها كده
المهندس منسي: آه عندنا آه
العميل: دي عندكم موجودة؟
المهندس منسي: آه
العميل: دي مكنة ولا إيه؟
المهندس منسي: لأ ما هو مكنة وخامة
العميل: طيب ماشي، أنا ممكن أبعت لحضرتك الإيميل بتعتلي أوفر بالمكنة بالخامة لو أنا عايز…
المهندس منسي: مش مستاهله يعني العملية ده كل المكنة بتعمل 3300
العميل: أنا بس بشتغل بأوفرات بس عشان بعمل حاجة عندي اسمها بي آر، يعني بعمل طلب شراء ولازم أرفقها معاه، فلازم همه يعرفوا… أنا عارف إن المبلغ مش كبير بس الفكرة إن أنا لازم يكون معايا أوفر
المهندس منسي: ابعت لفريق المراسلات هيرد عليك
العميل: أبعت ميل يعني ولا أبعت إيه؟
المهندس منسي: آه ابعت إيميل فيه طلب استفسار وفريق المراسلات هيرد عليك بعديها بيومين وكده يعني
العميل: طيب ماشي… أبعت على الميل بتاعكم ولا أبعتلك الإيميل بتاعي في رسالة؟
المهندس منسي: لأ ابعت على الميل
العميل: طيب ماشي يا باشا شكراً
