مكنة تعبئة الجيل في أكياس من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: إيه يا باشا
المهندس منسي: أيوه
العميل: مش دي شركة المهندس منسي
المهندس منسي: أيوه
العميل: طب كنت عايز أسأل حضرتك على المكنة اللي بتعبي الجيل في أكياس، كنت عايز أسعارها بتبدأ من كام؟
المهندس منسي: إنت عايزها أتوماتيك ولا نص أتوماتيك؟
العميل: النص بكام والأتوماتيك بكام؟
المهندس منسي: هي النص أتوماتيك بتعمل 1350 ، والأتوماتيك بتعمل ، مش معنى إن أنا بقولك بال إن أنا باخد بال، أنا بسميلك بس بال
العميل: لا.. لا.. ما أنا واخد بالي
المهندس منسي: إنما باخد بالجنيه المصري أو بال براحتك
العميل: يعني 100 تعادل كذا
المهندس منسي: آه تعادل كذا، إحنا بنحاسبك بال النهاردة على إنه بـ 12.5 ما إنه في السوق بـ 14 ولكن إحنا بنحاسبه على 12.5 دولقتي
العميل: يعني أم 4500 الأتوماتيك، واللي هي نص أتوماتيك… معلش أنا آسف النص أتوماتيك دي يعني شغلها عبارة عن إيه؟
المهندس منسي: النص أتوماتيك حضرتك بتحط الحاجة بتاعتك إذا كانت عبوة ولا كيس، بتحط تحتيها مجرد ما حطيتها تحتيها هي تروح منزلالك الكمية في قلب الكيس…
العميل: آه.. ولكن مش تقفيل كيس
المهندس منسي: بتاخد بقى جنبيها سير إنتاجي سير لحام بتعمل إيه؟؟ بعد ما خلصت الكيس ترواح رامي الكيس ده على السير يروح واخده لاحمه ويحطهولك الناحية التانية
العميل: تمام…
المهندس منسي: دي النص أتوماتيك، طب الأتوماتيك؟؟ الأتوماتيك بقى ما بتعملش أي حاجة، كل اللي عليك تركب الرول وتحط المادة بتاعتك، هي بتعمل كل حاجة
العميل: كان عندي واحدة أتوماتيك بس كانت مضايقاني شوية لسه باييعها
المهندس منسي: آه… إنت هتتعامل معانا المكن بتاعنا في ميزة إن هوه سهل الصيانة وسهل التشغيل، كده إنت ليك 5% خصم على أساس إنك عندك دراية في المكن، إحنا بندي للي عنده دراية في المكن 5% ليه بقى؟؟ مش هنديلك 5% عشان خاطر نقولك والنبي اشتري، لأ، إحنا سمعتنا مش ده أسلوبنا، إحنا بنديلك 5% على أساس إن إنت عندك خدمة ما بعد البيع هتكون سهل لأنك فاهم يعني إيه مكنة، فأول ما تشوف المكنة بتاعتنا هتفهمها وتعرفها بسرعة
العميل: تمام يا باشا
المهندس منسي: يعني أول ما تشوف مكنتنا ليه؟؟ لأن إحنا مكنتنا مبسطنها ومسهلنها على أساس إنك تقدر تتعامل معها بسهولة… فهتحس بفرق كبير قوي، هتبسط تلاقي الفرق كبير قوي، والكلام حلو ولكن التنفيذ هوه اللي هيوضح الكلام ده مضبوط ولا مش مضبوط، يبقى إذن حضرتك تيجي تشرفنا تشوف الحاجة، وتجرب المكنة تمام التمام لأن أنا متأكد تمام التأكد طالما إن كان عندك مكنة زي كده أول ما تشوف المكنة ديت هتفرح بيها
العميل: تمام… طب بقول لحضرتك برده في واحد قالي في موجود عند حضرتكم الطباعة صحيح برده، طباعة الرول؟
المهندس منسي: آه عندنا آه إن شاء الله، بس إحنا بنطبع بالروتو أعلى أنواع الطباعة في العالم
العميل: عامل كام الطن؟
المهندس منسي: ما هو كام الطن ديت هقولك مثلاً، بس طباعة روتوجرافيك، أعلى أنواع الطباعة، مش فلكسو، بحيث إنك تحط المنتج ما تقولش عليه زي المستورد، لأ، أنا عايز أحط المنتج أقول مستورد
العميل: تمام…
المهندس منسي: أنا مش أقل من المستورد في حاجة، أنا مش أقل منه، المشكلة إن إحنا كشعب شايفين إن إحنا قليلين في نفسنا، إنما لأ أنا مش أقل
العميل: طب إنت بتقول الطباعة حضرتك بتقول بـ الطن
المهندس منسي: آه
العميل: يعني مافيش ارخص من كدا
المهندس منسي: هوه إحنا أسعارنا نهائية، أنا ادتلك الـ 5% مش معنى كده شطارة
العميل: لأ أنا ما بتكلمش دلوقتي على المكنة خالص، أنا بتكلم على الطباعة برده أصل أنا بصراحة كنت بعمل بسعر فارق عن كده كتير، إنت بتقول عند حضرتك أنظف حاجة موجودة
المهندس منسي: بس أنا بتكلم في طباعة بره، مش هطبعلك هنا في مصر، أنا ما بطبعش في مصر، أنا بطبع بره مصر
العميل: تمام
المهندس منسي: واخد بالك، بطبع روتوجرافيك بره مصر، تخيل الشغل جايلك من بره اتفرج على جودته واتفرج على جماله
العميل: تمام يا باش مهندس
المهندس منسي: إنت ليك حرية اتخاذ القرار، بس اتفرج الأول على جودة الطباعة وبعد كده احكم، أنا مش بطبعلك فلكسوجرافيك، أنا بطبعلك روتوجرافيك أعلى أنواع الطباعة في العالم، يا جماعة عايزين توفروا مثلاً 2ـ 3 جنيه ما هو في الآخر ما هو الطباعة دي هي اللي هتبيع المنتج، هوه العميل بتاعك بيبص على المنتج من جوه ولا بيبص على المنتج اللي بره؟
العميل: على اللي جوه واللي بره على الـ2
المهندس منسي: ما هو في الأول الانطباع بتاعه عن إيه؟ إنت جايب بنت زي القمر.. زي القمر.. زي القمر وفي الآخر رحت ملبسها كاجوال، رحت ملبسها لبس كده مهربل حد هيقبل عليها؟ ما لازم تلبس على أد جمالها على أساس تظهر كل مفاتنها
العميل: تمام
المهندس منسي: يبقى لازم تعمل إيه؟؟؟ لازم تعمل باكيدج مضبوط عشان تظهر اللي جوه ده مضبوط
العميل: تفتحوا لإمتى حضرتك؟
المهندس منسي: إحنا من 11-9
العميل: طب لو أنا هجيلك النهاردة إن شاء الله، لو معرفتش آجي بكرة بإذن الله
المهندس منسي: أنا هبعتلك تليفون المبيعات وهتتعامل معاهم، أنا جست استشاري بس إن أنا أدل حضرتك مش أكتر
العميل: شكراً يا فندم، ماشي اللي هوه الرقم اللي مع حضرتك ده
المهندس منسي: آه ده رقم أنا كاستشاري للشركة إنما أنا مش مبيعات، أنا هبعتلك بقى تليفون المبيعات
العميل: ماشي يا باش مهندس
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر، عايز أنهي فيهم
العميل: أنا عامة لو تعرف أنا أبو النمرس
المهندس منسي: أبو النمرس يبقى باب الشعرية، حبيب قلبي الغالي إزيك يا باشا حمد الله على سلامتك
العميل: الله يخليك يا باشا
المهندس منسي: يا عم أبو النمرس دول حبايبنا، ده أنا بايع عندكم أد مصر بحالها، يعني ممكن لو بايع 10 أبيع 10 عندكم، لو بيعت 20 أبيع 20 عندكم، حمد الله على السلامة
العميل: ماشي يا باش مهندس
المهندس منسي: ده أنا عايز أفتح معرض عندكم يا باشا
العميل: تحت أمرك
المهندس منسي: آه ماشي يا حبيبي
العميل: ماشي يا باش مهندس
المهندس منسي: ماشي يا غالي مع السلامة
