مكنة تعبئة الزيوت من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: لو سمحت عايز أسأل أرخص سعر لمكنة تعبئة الزيوت كام؟ أقل حاجة
المهندس منسي: آه
العميل:6000 يعني
المهندس منسي: لأ حوالي 5400 مصري
العميل: تمام.. مافيش أقل من كده يا باشا؟
المهندس منسي: أقل من كده، والله يا سيدي أنا كنت أتمنى إن أنا أعمل حاجة أقل من كده، ندور.. نبحث هوه مجال البحث العلمي موجود، إنما الـ دي أرخص سعر مش في مصر، ده أرخص سعر في مصر والصين والعالم كله، لو لقيت واحد أقل من كده في العالم كله إديني خبر عشان أقلده
العميل: لأ أنا عايز حاجة في حدود 3000/4000 حاجة زي كده
المهندس منسي: لا صدقني يعلم ربنا
العميل: 3500 ـ 4000 في الحدود دي يعني
المهندس منسي: صدقني لو كان في حاجة زي كده ما كنت اتأخرت عنك
العميل: ربنا يخليك ماشي يا باشا
المهندس منسي: ماشي يا غالي مع السلامة
العميل: شكراً
