ماكينة الالتراسونيك من شركة المهندس منسي

العميل: السلام عليكم

المهندس منسي: عليكم السلام ورحمة الله وبركاته

العميل: إزيك يا باش مهندس

المهندس منسي: أهلاً بيك

العميل: كنت بسأل على المكنة اللي بتغلف معجون الأسنان، تلحمها يعني؟

المهندس منسي: آه بتلحم الأنبوبة

العميل: آه

المهندس منسي: آه اتفضل

العميل: موجودة عندكم حالياً ولا تيجي إمتى؟ وعايز أنواعها إيه؟ الألتراسونيك هي موجودة ولا لأ؟

المهندس منسي: آه الألتراسونيك موجودة آه

العميل: طب سعرها كام وبتلحم أد إيه لو عندك

المهندس منسي: آه دي حضرتك اتفضل شرفنا خد الكتالوج بتاعها أو خش على الويب سايد

العميل: أنا كنت عندكم أنا خدت منكم كذا حاجة قبل كده يعني، أنا واخد حاجات من عندكم يعني، فكنت عايز أعرف السعر الحالي كام دلوقتي

المهندس منسي:

العميل: بالمصري طيب يبقى كام؟

المهندس منسي: ثانية واحدة، هوه إحنا بس بنسمي بال إنما بندفع بالجنيه المصري عادي، عشان ثبات السعر بس

العميل: تمام… طيب

المهندس منسي: حوالي 45000 جنيه

العميل: طب إحنا أنا قبل كده كنت باخد خصم كنا بناخد أكتر من حاجة كنا بناخد خصم عليها، عشان إحنا عملاء عندكم يعني

المهندس منسي: آه خصم 5% آه

العميل: المرة هيبقى 10 تقريباً ولا على طول 5؟

المهندس منسي: لا على طول 5 آه

العميل: ما يزدش عن 5 يعني؟

المهندس منسي: إن شاء الله

العميل: طيب هي دي شغالة على 220 ولا 3 فاز؟

المهندس منسي: كل المكن بتاعنا بدون استثناء شغال على 220 إلا لو العميل طلب غير كده

العميل: تمام.. أوكيه، دي حجمها أد إيه؟

المهندس منسي: أد مكتب كده

العميل: يعني ما تتحطش في شنطة العربية يعني؟

المهندس منسي: ممكن آه.. بس هيبقى صعب، على أد شنطة العربية كلها

العميل: طب خلاص وهي موجودة دلوقتي في مدينة نصر مش كده؟

المهندس منسي: ممكن تكون موجودة في مدينة نصر، إنت معاك تليفونات مدينة نصر؟

العميل: أعتقد إنها معايا آه

المهندس منسي: طب اتصل بيه كده اسأله

العميل: ماشي خلاص شكراً، ودي جاهزة يعني آخدها إن شاء الله

المهندس منسي: أكيد، اتصل بيهم قبل ما تشوف كده عشان ممكن يكون الستوك خلصان يعني

طب ليها ضمان ولا حاجة؟

المهندس منسي: آه ضمانها لمدة سنة ضد عيوب الصناعة

العميل: تمام.. أوكيه، طب الأنابيب نفسها بقى أجيبها منين؟ عندك فكرة توردوا حاجات زيها ولا…

المهندس منسي: إحنا في حاجة التوريد بتاعتنا بنستوردها لك

العميل: تمام.. ماشي أوكيه، طب عندي سؤال أخير هي اللي ممكن تقطيع ولحام بس؟

المهندس منسي: نعم؟؟ هي بتلحم وتقطع وتكتب تاريخ إنتاج

العميل: تمام… وبرده بأكد بس على حاجة أنا كان حد قالي الكلام ده في مدينة نصر مثلاً الفينيش بتاعها عالي، يعني شكل الأنبوبة، يعني هقارنها بالأنبوبة بتاعت سيجنل، الـ لحام بتاعها هل بيبقى فيها حواف…

المهندس منسي: هي دي بتاعت الماكينة بيتلحم بيها كل الشركات الكبيرة، هي نفسها

العميل: تمام… ماشي شكراً جزيلاً لحضرتك، طب عندي سؤال أخير معلش

المهندس منسي: خد راحتك

العميل: في عندكم نظام تقسيط؟

المهندس منسي: كل شغلنا كاش

العميل: تمام أوكيه، شكراً يا هندسة