خامات وعبوات البلاستيك الدوائية من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : بعد إذنك كنت بسأل على العبوات البلاستيك
مهندس منسي : آه
العميل : أقدر أعرف أصغر حجم أد إيه؟
مهندس منسي : الحجم اللي إنت عايزه، نشوف الحجم اللي إنت عايزه أد إيه ونعملها لك
العميل : لو 100 مللي
مهندس منسي : آه مافيش مشكلة آه نعملها لك
العميل : طيب دي بتبقى في حدود كام… 100 مللي بالغطا.. في عبوات يعني موجودة في المناطق اللي حوالينا بيبقى الغطا بينزل عشان تفتحه بتكسر حاجة من الجنب وتشيل الغطا، عارفها حضرتك..
مهندس منسي : آه هوه إنت عايز كمية أد إيه؟
العميل : أنا معمل تحاليل طبية ممكن أشيل منك كل شهر كمية مثلاً 5000 عبوة
مهندس منسي : هوه أقل كمية عندنا لو إنت هتشتغل تجاري 25000، أقل من كده بنصنعلك الاسطمبة بالطلب، حضرتك هتشرفنا وتجيب معاك العبوة وإحنا إن شاء الله نتناقش فيها ونقولك تسوى كام؟
العميل : طيب أراوند كام هتبقى العبوة تقريباً؟
مهندس منسي : في حدود 65 قرش
العميل : دي هتبقى كام 100 مللي
مهندس منسي : آه.. آه..
العميل : دي بيبقالها غطا حضرتك محكم، عشان هيتحط فيها بول وبراز، فالعينات دي سهل إنها تبقي محكمة من جوه العبوة
مهندس منسي : إن شاء الله
العميل : طيب الرقم اللي هوه 25000 ما يبقاش فيه ديسكاوند لو عملناهم عند حضرتك
مهندس منسي : آه بيتعمل فيه ديسكاوند طبعاً
العميل : طب كنا عايزين نوصل لـ 50 قرش
مهندس منسي : لأ هوه ديسكاوند لو أنا وصلتها لـ 65 قرش هخفف العبوة
العميل : خففها حضرتك بس المهم إنها تبقى محكمة الغلق
مهندس منسي : نقعد مع بعض وإن شاء الله واللي فيه الخير يقدمه ربنا
العميل : في القاهرة العنوان زي ما أنا قريته شركة المهندس منسي للصناعات الهندسية أمام مدرسة البنات الثانوية شارع المنسي خلف قسم باب الشعرية القاهرة
مهندس منسي : هوه دلوقتي خلف رئاسة حي باب الشعرية
العميل : على العموم هتصل بحضرتك وأنا في القاهرة وأتواصل مع حضرتك
مهندس منسي : إن شاء الله
العميل : مين معايا بعد إذنك؟
مهندس منسي : المهندس منسي
العميل : شكراً.. شكراً معلش أنا آسف على إزعاج حضرتك
مهندس منسي : ولا يهمك يا غالي
العميل : شكراً.. شكراً.. تسلم حضرتك، السلام عليكم
