رولات ورق تعقيم من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: أنا بتكلم في وقت مش مناسب
المهندس منسى: لا خد راحتك
العميل: كل سنة وإنت طيب
المهندس منسى: كنت بسأل حضرتك على حاجة، عارف ورق بتاع التعقيم اللي بيتحط فيه الحاجة بتتعقم الأوتوكراف ده
العميل: بيبقى ورقة وعليها حته بلاستيك من فوق، وبيتحط فيها مثلاً فوطة، قطن، شاش، وتتحط بعد كده في الجهاز تتعقم
المهندس منسى: ورق مبطن بالبولي إيثيلين
العميل: آه.. آه.. تمام
المهندس منسى: اتفضل
العميل: اللي هوه اسمه ورق تعقيم
المهندس منسى: آه… هوه عموماً بيبقى طبقة ورق وعليها طبقة بولي إيثيلين مثلاً
العميل: تمام
المهندس منسى: بس بتحط عليها الحاجة بتاعتك وتحطها تتعقم
العميل: تمام.. تمام.. ده موجود عندكم؟
المهندس منسى: إن شاء الله
العميل: جميل جداً طب ده أسعاره إيه؟
المهندس منسى: يعمل للطن أو مش فاكر
العميل: يعني للكيلو
المهندس منسى: استنى لما أحسبها لك كده
المهندس منسى: 54 جنيه للكيلو
العميل: طب الكيلو ده بيعمل أد إيه؟ بيبقى بيتقطع إزاي أو بيتعمل إزاي، أنا مش متخيل، هوه بييجي رول مش كده، رول كبير؟
المهندس منسى: بيبقى رول آه
العميل: آه…
المهندس منسى: ما حسبناهاش لأن إحنا بنبيع بالكيلو
العميل: يعني هوه بيتباع بالكيلو
المهندس منسى: آه
العميل: طب متاح عند حضرتك في المصنع بتاعكم في باب الشعرية؟
المهندس منسى: إن شاء الله
العميل: فين في باب الشعرية بقى عشان أعرف أجيلك؟
المهندس منسى: إحنا عندنا حدائق القبة، مدينة نصر، باب الشعرية، 6 أكتوبر
العميل: طيب أنا باب الشعرية ده مكانه فين بالضبط، أنا معلوماتي عن باب الشعرية باب الفتوح وباب النصر…
المهندس منسى: أنا هبعتلك الداتا دلوقتي في رسالة
العميل: ماشي
المهندس منسى: هتلاقينا ورا رئاسة حي باب الشعريةKهبعتهولك في رسالة دلوقتي حالاً
العميل: رسالة عادية، أوكيه،حضرتك اللي هوه أمام مدرسة باب الشعرية الثانوية بنات، شارع المنسي، خلف رئاسة باب الشعرية، القاهرة، جمهورية مصر العربية، صح هوه ده؟
المهندس منسى: مضبوط آه
العميل: تمام.. تمام.. معلش المهندس منسي معايا
المهندس منسى: آه
العميل: أهلاً وسهلاً، المهندس وليد عمارة مع حضرتك
المهندس منسى: طيب خلاص إنتم مواعيدكم إيه في رمضان؟
العميل: إحنا مواعيدنا دايماً من 11-9 بالليل، في رمضان بنروح نفطر ونصلي التراويح ونيجي
المهندس منسى: طيب ممتاز، يعني ممكن أعدي عليك بعد الفطار بكرة
العميل: طيب خلاص الله المستعان يا فندم
المهندس منسى: خلاص شكراً
العميل: السلام عليكم
