علب كرتون الاسطوانية من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: شركة المهندس منسي
المهندس منسى: أيوه
العميل: طب كنت عايز أستفسر عن حاجة لو سمحت
المهندس منسى: أيوه اتفضل
العميل: الله يكرمك، إنتم عندكم العلب عارف علب الكرتون بتاعت البرنجا
المهندس منسى: الرنجا؟؟
العميل: البرنجل اللي هي الشيبسي المستورد، العلب الكرتون الاسطوانية دي
المهندس منسى: آه.. دي ممكن نعملها
العميل: لكن مش متوفرة
المهندس منسى: ما هو أنا بقول لحضرتك ممكن نعملها
العميل: طيب أعرف مثلاً أسعارها ولا إزاي؟؟
المهندس منسى: هبعتلك أنا تليفون المبيعات دلوقتي في رسالة وكلمه وتابع معاه، قوله علب الكرتون اللي هي المطبوعة
العميل: طب الطباعة بتبقى عندكم إنتم ولا أنا باخدها سادة وبلصق عليها
المهندس منسى: براحتك… مش فارقة كتير
العميل: آه ده متوفر وده متوفر، طب آخد الرقم؟
المهندس منسى: هبعتهولك في رسالة حالاً
العميل: لأ أنا بكلمك من داخلي
المهندس منسى: آه طب رن عليا من موبايلك أبعتهولك
العميل: طيب حالاً، طيب ثواني معلش أنا أسف، خليني معاك عشان معنديش رصيد في الموبايل
المهندس منسى: 01211116958
العميل: أوكيه أشكرك
المهندس منسى: ماشي مع السلامة
