ماكينة كبس الأقراص الأوتوماتيك من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : كيفك يا معلم
مهندس منسي : الحمد لله
العميل : المهندس منسي
مهندس منسي : أيوه معاك يا باشا
العميل : كيف صحتك إيه أخبارك
مهندس منسي : الحمد لله نشكر ربنا
العميل : معاك سلطان من الأردن
مهندس منسي : أهلاً بيك
العميل : قريت على النت عن الشركة تبعك في القاهرة
مهندس منسي : آه
العميل : بدي أسأل على سعر الماكينة إم تو باك
مهندس منسي : إم تو باك إيه؟
العميل : مافي وان وتو وثري؟
مهندس منسي : آه.. ما هو كل المكن بتاعنا اسمها إم تو باك، ده اسم الشركة عندنا، شركة المهندس منسي واختصارها إم تو باك
العميل : أيوه.. أيوه.. طب بدي الماكينة هادي تبع كبس الأدوية
مهندس منسي : كبس الأدوية ده كتير قوي، كبس الأدوية في عبوات، كبس الأدوية أقراص، كبس أدوية…
العميل : أقراص
مهندس منسي : آه.. آه.. موجودة آه
العميل : شو سعرها تقريباً؟
مهندس منسي : 4
مهندس منسي : كان في 3 أنواع منها وزنه 70 كيلو، وفي 90 وفي 145 كيلو، وزن الماكينة
مهندس منسي : آه
العميل : شو أسعارهم هادول حسب الأوزان؟
مهندس منسي : ما هو إنت بتتكلم في الوزن ولا بتتكلم في الكيفية؟ ما هو كل حاجة ليها حاجة، يعني مثلاً اللي هي وزنها 70 كيلو ديت دي أساساً بتعمل أقراص لغاية 1.8 يعني 18مللي، يعني تعمل قرص من أول 3 مللي لغاية 18 مللي
العميل : أما…
العميل : طب بالنسبة للتصدير كيف ممكن ترسلها للأردن؟
مهندس منسي : إحنا بنصدر عادي مافيش مشكلة
العميل : مافي مشكلة
مهندس منسي : آه
مهندس منسي : ياما بعتنا دول أمريكا اللاتينية، ودول أوروبا.. عادي دي ما عندناش مشكلة فيها خالص، النهاردة شركات الشحن النهاردة…
العميل : وفي هادي كاسات المياه هادول الأصغار عرفتهم، الـ 250 مللي
مهندس منسي : آه في آه
العميل : شو سعره هادا الـ 6 خطوط؟
مهندس منسي : لا هوه اللي عندنا 2 خط بس ما بقيناش ننتج الـ 4 ولا الـ 6
العميل : صناعة مصرية هوه طبعاً؟
مهندس منسي : لأ هي ماركة، براند عالمي، يعني شخص الديزانر والمفكر مصري، أما التصنيع في أغلب دول العالم، يعني عندنا فرع في هونج كونج والصين ومصر والمغرب وقريب إن شاء الله السعودية ودبي، قريب إن شاء الله مازلنا في التخطيط… وكنا عارضين في معرض الصين الدولي بنافس الصينيين لو بصيت على كانتون الشهر اللي فات هتلاقي شركتنا كانت بتنافس الصينيين ومنافسة قوية كمان مش ضعيفة، وكانت محطوطة في الإنترنشيونال ديفليم يعني الأجنحة العالمية، اللي هي الماركات العالمية
العميل : نعم
مهندس منسي : يعني طلعونا ماركة، يعني طلعوا شركتنا من الماركات العالمية
العميل : يعني بالنسبة للشركة الاختصار بتاعها اسمه إم تو باك
مهندس منسي : آه ده اختصار يعني إم أول حرف من كلمة منسي
العميل : فهمت عليك
مهندس منسي : و تو دي اللي هوه منسي التاني، يعني منسي الأولاني كان له أمجاد، منسي التاني جه حقق الأمجاد دي من أول وجديد يعني
العميل : بالتوفيق
مهندس منسي : وباك دي بتاعت أي شركة تعبئة وتغليف بيبقى آخرها كلمة باك
العميل : أيوه.. طيب بالنسبة للقطع بتاعت المكاين شو صناعتها؟
مهندس منسي : ما هو صناعتها ديت الشركة هي اللي بتحددها، مش بلد معينة، لسبب بسيط، إنت النهاردة صممت قطعة فالقطعة ديت لو صنعتها مثلاً ساي في الصين، لو قلنا مثلاً القطعة تكلفتها 100 جنيه، نقول بال عشان يبقى حضرتك مستوعب، نقول القطعة دي بـ 100 ، لو إنت صنعتها في الصين هتصنعها بـ 100 + 10% يعني 1، طيب التكلفة بتاعتها لو إنت صنعتها في تايوان هتبقى بكام؟؟؟ 100 + 15، طب في أوروبا هتلاقيها 100 + 25…. فهنا الفروق بسيطة قوي
العميل : أيوه… مش مشكلة
مهندس منسي : ليه إنت عارف.. أنا هفهم حضرتك، هي كلمة صيني.. تايواني.. ألماني.. بناء على إنك جيبت المكنة من الصين، أو جبت المكنة من المصمم والمفكر تايواني، المصمم والمفكر كوري، المصمم والمفكر ألماني… فهنا لأ المصمم والمفكر مصري درس في ألمانيا، وواخد البكالريوس بتاعه والمساتر يعني الماجستير من ألمانيا، ولكن هوه لحسن حظ العرب هوه عربي، ولسوء حظه هوه إن هوه عربي
العميل : أيوه…
مهندس منسي : فهنا العرب استفادوا وهوه نفسه اتجنن، اتسحل، فدي رسالة الحمد لله على كل شيء
العميل : طيب بركي جيتك على القاهرة؟
مهندس منسي : إنت تيجي تنورني
العميل : إن شاء الله بس بداية الشهر الجاي إن شاء الله بكون عندك
مهندس منسي : تيجي نورني يا غالي
العميل : الله يبارك فيك، بالقاهرة فاتحين طول أيام الأسبوع ماعدا الجمعة
مهندس منسي : آه
العميل : يا سيدي على بركة الله، يعني السعر بـ 4000 ـ 4500 تقريباً
مهندس منسي : 4300 ده سعر رسمي
العميل : لأ في خصومات…
مهندس منسي : في خصومات بس على التوريد بال بس، عشان…
العميل : يعني أحاسبك بال في خصم؟
مهندس منسي : آه في خصم حوالي 15% دولقتي
العميل : كويس
مهندس منسي : مش لسبب غير إن في مشاكل دلوقتي في ال وتحويل ال بره…
العميل : أيوه بفهم بعد تعويم الجنيه
مهندس منسي : آه.. لأ هوه الجنيه طول عمره متعوم بس همه عمالين كل شويه يقولك تعويم الجنيه، ما تعويم الجنيه بيقعد 5 ـ 6 سنين، وبعدين يمسكوها وبعدين يمسكوها وبعدين يقولوا هنعوم الجنيه تاني… طب إنت عملت إيه؟؟ مافيش أكتر من إنه حرب دائرة على الدول العربية
العميل : صحيح
مهندس منسي : هي العملية مش تعويم، هي العملية اسمها فلفصة، إنت عارف لما واحد يبقى كابس على نفس واحد ونايم تحته، فالتاني بيفلفص، إنت عارف يفلفص يعني إيه.. يعني بيحاول يشوف طلعة من هنا.. طلعة من هنا، إنما تعويم جنيه وكلام إيه
العميل : بأي وسيلة
مهندس منسي : آه بيحاول مجرد محاولات بس، فإحنا النهاردة مجرد إنك حولتلنا الفلوس على فرعنا في الصين
العميل : أنا آجيك لازم أشوفه بعيني…
مهندس منسي : تيجي تنورنا..
العميل : بس إن شاء الله أجيلك على بداية الشهر
مهندس منسي : من حقك إنك تيجي وتتطمن على الشركة اللي إنت هتتعامل معاها وتعقد مع ناسها وتشوف شفافيتهم عامله إيه، وأخلاقهم عامله إيه، ممكن تكون شركة عملاقة وفي الآخر إنت مش عايز تتعامل معاها، بيجوز هما نصابين ولا حاجه
ده من حق حضرتك طبعاً، وبقول لكل الناس إن هوه يروح ويطمن على الشركة اللي هيتعامل معاها
العميل : نعم صحيح، إن شاء الله على بداية الشهر بركي أجيلك
مهندس منسي : إنت تيجي تنورني، أهلاً بيك في بلدك التاني يا غالي
العميل : تكرم يا مهندس، شكراً، يعطيك العافية
مهندس منسي : الله يبارك لك مع السلامة
العميل : السلام عليكم
