أزايز 250 مللي من شركة المهندس منسي
أزايز 250 مللي من شركة المهندس منسيالعميل: سلام عليكم
المهندس منسي: عليكم السلام ورحمة الله وبركاته
العميل: شركة إم تو باك
المهندس منسي: أيوه
العميل: لو سمحت كنت عايز أسأل على الأزايز الـ 250
المهندس منسي: هوه إحنا بنعمل العبوات بإعدادات خاصة للعميل، يعني الأول بنصنع الاسطمبة وبعد ما نصنع الاسطمبة بنعمل عليها
العميل: آه أنا قصدي إنتم معندكومش عبوات جاهزة 250 مللي
المهندس منسي: لا هوه إحنا بنصنع للعميل اسبشيل أوردر، يعني طلبيات خاصة
العميل: يعني إنت معندكش مثلاً اسطمبة جاهزة تعملي عليها، يعني أنا مش عايز شكل معين
المهندس منسي: لأ بنعمل الاسطمبة الأول وبعد ما بنعمل الاسطمبة بنفذ عليها
العميل: يعني مافيش إنت عندك اسطمبات جاهزة تعملي عليها بدل ما تكلفني أنا اسطمبة
المهندس منسي: ما هو ده اللي إحنا عمالين نتكلم فيه من بدري، أنا بالنسبة لنا سياسة شركتنا إن إحنا بنصنع العبوات بالطلب، يعني بنعملك الاسطمبة الأول بالشكل اللي إنت عايزه، وبعد كده بننفذ عليها العبوة اللي إنت عايزها والكمية اللي إنت عايزها
العميل: تمام طب والاسطمبة بكام؟
المهندس منسي: تسليم 28 يوم
العميل: تمام… خلاص تمام.. طب بالنسبة لحاجات اللي هي الطبة اللي فوق دي
المهندس منسي: آه عندنا آه
العميل: عندكم منها حاجات جاهزة؟
المهندس منسي: آه عندنا بضاعة حاضرة آه
العميل: يعني مثلاً العلبة 250 مللي معرفش قطرها هيبقى كام؟
المهندس منسي: ما هو لازم نعرف القطر ولازم نعرف الخامة والكمية
العميل: آه.. آه.. تمام.. خلاص أنا لما أوصل للقطر أكلم حرضتك صح
المهندس منسي: إن شاء الله
العميل: شكراً يا هندسة، آسف للإزعاج
المهندس منسي: ولا يهمك مع السلامة
العميل: سلام عليكم
المهندس منسي: عليكم السلام ورحمة الله وبركاته
