زجاجات بلاستيك لتعبئة الأدوية من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: كنت عايز أعرف بس بتصنعوا الزجاجة البلاستيك بتاعت الدوا البني الـ بي إيه تي

المهندس منسي: آه.. بنصنعها إن شاء الله بس بنصنع الاسطمبة الأول بناء على الشكل المقدم من العميل

العميل: اللي هي يا فندم العبوة المدورة اللي 35 لونها عسلي، حضرتك في عندك استاندر؟ أنا عايز أعرف بس هي موجودة عندك ولا لسه هنصنعها؟

المهندس منسي: اه

العميل: عايز 800 ألف غطا وإزازة، عندك غطا برده؟

المهندس منسي: غطا هنستوردهولك

العميل: وطب والإزازة؟

المهندس منسي: الإزازة هنصنعها مافيش مشكلة

العميل: طب ممكن أعرف إنت بتبيع الألف بكام؟

المهندس منسي: مش بالألف بتبقى بالكيلو

العميل: الإزازة بالكيلو؟

المهندس منسي: مش إزاز بلاستيك بي إي تي

العميل: أيوه.. الإزاز البلاستيك بالكيلو؟ اللي هي 135 مللي

المهندس منسي: آه.. هنديلك وزن الكيلو فوارغ بـ 40 جنيه، يعني الجرام بـ 4 قروش

العميل: طب دي إزازة بتاعت الدوا البني العادية، أصل أول مرة أشوفها بتتباع بالكيلو الصراحة

المهندس منسي: ما هو إحنا بنريح دماغنا بدل ما نقعد نقولك الإزازة وزنها كام، لأنه همه دلوقتي بيروح جاي ماسك لك الأزازة ويعملها لك 10 جرام، واحد تاني يعملها لك 8 جرام، وإنت بتاخد بالإزازة ما بتاخدش بالجرام

العميل: باخد بالإزازة، بيضحك عليا…

المهندس منسي:  الله ينور عليك

العميل: طب دي عامله كام جرام؟

المهندس منسي:  ما هو أنا عندي تشكيلة أزايز كتيرة

العميل: أهم حاجة عندنا المقاس اللي هوه 135 مللي صح؟

المهندس منسي:  ده مافيهاش مشكلة خالص

العميل: طب والكيلو ده يعمل كام إزازة مثلاً؟ أو الألف يعمل كام كيلو؟

المهندس منسي:  دي حضرتك هتمسك شويه عبوات وتوزنها على ميزان جواهرجي، أوعي توزنها على ميزان البقال

العميل: ميزان حساس

المهندس منسي:  آه.. ميزان جواهرجي وتعرف كام جرام وتضرب × 4 قروش هتريح دماغك وإنت قاعد باشا

العميل: يا باشا لو عايز آخد عينة منها أعرضها بس على المصنع، إحنا أولاً مصنع دوا

المهندس منسي:  إحنا بنشتغل بناء على عينة العميل، يعني هتجيبلي العينة أنا ملزم إن أنا أعملك زيها

العميل: آه…

المهندس منسي:  إحنا شركة كبيرة مش صغيرة، إحنا شركة مالت إنترناشيونال

العميل: طب أنا أجيب عينة وأبعتها لك

المهندس منسي:  إن شاء الله

العميل: والسعر الكيلو 40 جنيه برده يعني أنا هقيس عندي الأول الكيلو يعمل كام إزازة صح؟

المهندس منسي:  ما هو أنا بقولك بقى عشان خاطر إيه؟؟ هتلاقي شركة مقدمالك وزن صح، وهتقالي شركة مقدمالك وزن مش صح، وهتلاقي شركة…. فكده أنا ادتلك الخيط اللي إنت تقدر تمشي وراه تعرف إذا الشركات ماشية معاك مضبوط ولا مش مضبوط

العميل: آه طبعاً، أنا أول مرة أسمع سعر الكيلو دي

المهندس منسي:  لأ هوه كل الدنيا بتقيس بالجرام

العميل: تمام

المهندس منسي:  فأنا بقولك بالكيلو ديت عملية إغراء يعني

العميل: خلاص أنا أضبط أنا عينات وأبعتها لحضرتك تشوفها ونتكلم تاني

المهندس منسي:  إن شاء الله

العميل: خلاص، شكراً يا فندم، اسم حضرتك مين؟

المهندس منسي:  المهندس منسي، استشاري الشركة

العميل: أهلاً وسهلاً، خلاص شكراً يا فندم

المهندس منسي:   مع السلامة