ماكينة تعبئة سوائل لزجة من شركة المهندس منسى
العميل : السلام عليكم
المهندس منسى : إم تو باك
العميل : لو سمحت كنت عايز أسأل على مكن تعبئة
المهندس منسى : آه
العميل : لو أنا عايز حاجة بتعبي 30 مللي والسائل تقيل شويه اللي هوه جلسرين أو ليكويد يعني
المهندس منسى : آه هوه اللزوجة بتاعته لزوجة الجلسرين؟
العميل : بالضبط آه
المهندس منسى : مافيش مشكلة موجودة
العميل : ماشي.. مكنة التعبئة ديت عامله كام؟
المهندس منسى : ما هوه عامله كام ديت حضرتك هتجيب المادة وتجرب، لأنه إحنا عندنا من المكن ده أكتر من 30 مكنة، فإنت هتجرب على دي وعلى دي، لغاية ما نبص نلاقي المكنة اللي ضبطت معانا هي دي اللي هنشتغل عليها، هنقولك على سعرها وإنت واقف، لأنه في مكن عندنا بيبدأ من
العميل : تمام…
المهندس منسى : فهنشوف بقى أنهي مكنة اللي هتضبط معاك
العميل : طب في حاجة في المكن اللي عندك ده في زي سير بيحرك الحاجة ولا لازم أحط أنا الحاجات بإيدي
المهندس منسى : عملية السير ديت إنت عايزها تبقى أتوماتيك؟
العميل : آه عايزها أتوماتيك
المهندس منسى : مافيش مشكلة ممكن نخليها لك أتوماتيك مافيش مشكلة دي
العميل : طيب لازم أجيلك عشان أوريك الأول الحاجة عشان خاطر تجرب صح؟
المهندس منسى : إن شاء الله
العميل : طيب أجيب معايا أد إيه كده، أنا هجيب معايا جركن وخلاص
المهندس منسى : آه ماشي يا غالي
العميل : إنت فين مكانكم بقى؟
المهندس منسى : إحنا عندنا حدائق القبة، مدينة نصر، باب الشعرية، 6 أكتوبر
العميل : 6 أكتوبر أنا ساكن هناك، فين؟
المهندس منسى : هبعتلك الداتا بتاعته دلوقتي حالاً
العميل : خلاص ماشي
المهندس منسى : مع السلامة
