ماكينات تعبئة اللولي بوب من شركة المهندس منسي

العميل : السلام عليكم

المهندس منسي : عليكم السلام

العميل : لو سمحت أريد استفسار عن ماكينة لولي بوب

المهندس منسي : اتفضل أنا معاك

العميل : الله يعطيك العافية معلم، شو أخبارك، إن شاء الله أمورك تمام، إحنا من الأردن، من عمان، واهتمينا كتير بموضوع هاده، بدنا نشوف إذا في مجال نشوف شو صناعة الماكينة، شو كفاءتها، فينا بدنا ناخد ماكينة هون على عمان نشتغل عليها

المهندس منسي : هوه إحنا عندنا كل أنواع المواكن، عندنا الميكنة اللي هي بتصنع اللولي بوب اللي هي عبارة عن صوابع واستيك وكده بكل أنواعه، في منها نص أتوماتيك وفي منها أتوماتيك

النص أتوماتيك برده منها عدد من الأنواع، في حاجة اسمها ديسك توب، وفي حاجة اسمها إنتاجية، 1 نزل، 2 نزل… وفي أتوماتيك كاملة… حضرتك يستحسن لو جيت شرفتنا بالزيارة تتفرج على الحاجات دي على الطبيعة

العميل : لا هي مش غلط، بس نزلة مصر ما عندي قدرة في الوقت إني أنزل يعني، لو بدي أنزل على مصر بدي على الأقل أسبوع يعني، أنا مسافر مسافر، ما عندي قدرة أغيب عن شغلي ولا يوم، يوم الجمعة بنشتغل يعني، عندي شغل تاني غير هادي الشغل يعني، هادي الشغل بسويه إضافية إذا في مجال على الأقل إذا في يدك كتالوج، لو في عندك صور إلهن، لو فيديوهات، عرض أسعار… بشوف أكيد بدي أنزل أزورك يعني، بس بنزل إلا زي ما تحكي صد رد على السريع، يعني إحنا بنقولها صد رد عندنا في الأردن… يعني بسرعة فإذا في مجال تبعتلي عرض أسعار، فيديوهات، إيش القدرة إنك تبعتلي إياهم لو سمحت، وبعدين أهم إشي شو صناعة المكائن، وشو صيانتها

المهندس منسي : بالنسبة لصناعة المكائن إحنا ماركة، براند، يعني ماركة اسمها ماركة المهندس منسي، إحنا بنعمل إيه؟؟؟ إحنا بنعمل تصميم للمكنة، وبعد ما بنعمل التصميم دوت بنعمله كسبير بارتس، قطع غيار، بعد ما بنعمل التصميم دوت عندنا على الكمبيوترات بتاعتنا، وبعدين بنبعت… وات إيفر أياً كانت البلد، بعد كده اسمنا هوه اللي بيتحرك، زي مثلاً ماركة شيفورليه ما هي ملهاش بلد، زي مثلاً ماركة هونداي مالهاش بلد، إنت بتقول كوري، لا هي مش كوري، هي مش بتتصنع في كوريا، آه هي الشركة نفسها في كوريا، إنما هي العربية الهونداي مثلاً ما تتأكدش إنها كوري، بيبقى جايبلك حتة من إيطاليا، على حتة من تايوان، على حتة من أسبانيا… على أغلب القطع من الصين بس الجودة بتاعته هي اللي بتقول فإحنا ماركة، براند، اسأل عن ماركة المهندس منسي، اكتب كده ماركة المهندس منسي، شوف كده عامله إيه مسمعة ولا مش مسعمة ولا إيه، إحنا مش تجار بتروح نجيب مكن ونيجي نتسبب فيه ونقضيها كلام… لا إحنا مصنعين، مصنعين… مش مصنعين محليين بنصنع في مصر، لا إحنا بنصنع حوالي 70% أو 75% اكسترنال بره مصر، و25% جوه مصر، زي النهج الألماني، والنهج الإيطالي، والنهج الأسباني، والروماني… كل دول كده، ده النهج العالمي الجديد، النهاردة في كومبولنت للمكن، بنجيب الكومبولنت وبنجمعه النهج بتاعنا نهج جديد.. جديد يعني في العرب ما حدش يعرفوا كتير، إنما اطلع أوروبا هتلاقي نهج المكونات ده موجود لدرجة إن في بنوك اسمها بنك قطع غيار البنك، زي شركة إيلياس، وشركة بوسني، دول بنك، بنك عنده قطع غيار مكن، بنشتري منه قطع اللي تلزمنا… كده، + التصميمات بتاعنا

المهندس منسي : فدي حاجة ما تشغلش نفسك بيها لأنه إحنا عندنا ضمان لمدة سنة ضد عيوب الصناعة، و5 سنين توفير قطع الغيار لحساب العميل عملية إن إحنا نتفاهم أون لاين ديت أعتقد إنها هتبقى صعبة جداً، ليه؟؟؟ أنا هقعد زي ما يكون واحد مغميله عنيه وعمال تفهمه، إذا حضرتك ما عندكش خلفية عن المنتج فإزاي هفهم حضرتك أون لاين؟؟ فحضرتك الحاجة موجودة بضاعة حاضرة لما تفوق تيجي تنورنا، يعني حضرتك لما تفوق من شغلك تعالى نورنا، أما إن أنا أقعد أقولك المكنة كذا… سؤال حضرتك مبهم وعام، آيس لولي، طب ما هو الآيس لولي ده أنواعه كتير، يعني في آيس لولي استيك، وفي آيس لولي… طب هوه أنا هعيش مع الآيس لولي ده كله؟؟؟

المهندس منسي : حضرتك لو جيت هيبقى الحاجة على الطبيعة اتفرج عليها، مش فايق دلوقتي خلاص استنى لما تفوق مافيش مشكلة يعني

العميل : خلاص بارك الله فيك، مافيش مشكلة، بس شويه هيك تضبط الأمور عندنا وأنا بتواصل أنا وياك وإن شاء الله بنيجي  عندك