مجموعة من العلب والعبوات مقدمة من شركة المهندس منسي

العميل : السلام عليكم

المهندس منسي : عليكم السلام

العميل : كلمت حضرتك  بخصوص علب

المهندس منسي : كنا محتاجين بس عينة حضرتك تبعتها لنا عشان خاطر نعاينها، أما عملية واتس وشات وتليفون دي في عالم الصناعة صعبة قوي، يعني في عالم الصناعة يعني إحنا كده بنشتغل على التخمينات، فإحنا بنحب نبقى دقيقيين في شغلنا والمنتج يطلع معاك 100%، إنما كده أنا هشتغل معاك على التخمين، يعني عمالين نخمن، أصل إحنا مش بنتكلم في حاجة موحدة، لأ ده إحنا بنتكلم في حاجة تخص حضرتك، يعني هتتعمل كاستومايز، يعني هتتعمل إعدادات خاصة، فيجب إن إحنا نمسكها لايف في إيدنا عشان خاطر نعملها، واخد بالك، أكتر من كده هيبقى صعب علينا

العميل : أنا في إسكندرية تحب أبعت لحضرتك العينة بالسوبر جيت ولا  إيه الطريقة المناسبة؟

المهندس منسي : هوه يستحسن تبعتها بالبريد عشان السوبر جيت هيحتاج حد من عندنا يروح ويستنى السواق وحاجات من دي، فيستحسن لو حضرتك بعتها على البريد بتجيلنا لغاية مكتبنا