ماكينة تغليف أكياس المكرونة من شركة المهندس منسي

العميل : سلام عليكم

مهندس منسي : عليك السلام ورحمة الله وبركاته

العميل : شركة المهندس منسي يا باشا

مهندس منسي : آه

العميل : إزيك يا باشا عامل إيه

مهندس منسي : أهلاً بيك

العميل : أحمد عفيفي يا باشا من البحيرة مع حضرتك

مهندس منسي : أهلاً وسهلاً

العميل : الله يخليك يا باشا والنبي كنت بسأل على كنت عايز ماكينة بتاعت تصنيع بتاعت تغليف أكياس الكرونة

مهندس منسي : تغليف مكن تغليف أكياس مكرونة،

العميل : تغليف المكرونة عموماً

مهندس منسي : تغليف يعني مش تعبئة، أنا بيجيلي باخد أنا توكيل مكرونة فبيجيلي مكرونة فرط كده اللي هي السايب دي فنبعبيها في أكياس إحنا عندنا وبنطلعها منتج من عندنا

مهندس منسي : آه.. هي المكنة بتعبي وتغلف في نفس الوقت

العميل : أنا مش عايز تعبئة أنا عايز تغليف بس

مهندس منسي : طب فهمني عايز تغليف بس إزاي يعني، ما هوه اللي أنا أعرفه إنها تعبئة ثم تغليف فقولي وجهة نظر حضرتك…

العميل : ما هوه إحنا عندنا التعبئة بتبقى يدوي.. يعني إحنا التعبئة يدوي فأنا عايز أغلف، يعني عايز كيس… يعني تغلفلي الكيس ذات نفس، إنما التعبئة يدوي

رحت إنت مسكت المكرونة حطتها في الكيس مضبوط

مهندس منسي : تمام

العميل : بعد ما حطتها في الكيس رحت إنت محتاج مكنة، مكنة بتلحم ولا مكنة….

مهندس منسي : آه بتلحم بس من فوق

العميل : عندنا بقى مكنة إنتاجية ترملها الكيس وهي تاخده ترمي الناحية التانية،

مهندس منسي : دي اسمها مكنة لحام أكياس

العميل : تمام يا ريس

مهندس منسي : أما مكنة التغليف في المكرونات بالذات لازم يتبعها لازم تبقى معاها مكنة التعبئة، لازم عشان هي تعبي وتغلف في نفس الوقت، أما ممكن تاخد مكنة وزنية توزنلك الكمية وتروح رمياها لك وأنت تروح رميها في الـ إيه في البتاعة، يبقى إنت كده ريحت الناس بتوعك على الآخر

العميل : تمام… طب هي دي بتعمل كام يا ريس

مهندس منسي : بتعمل يعني 2000 جنيه مصري

العميل : أنا هي المكنة موجودة عند حضرتك….

مهندس منسي : آه موجودة بضاعة حاضرة تشرفني في أي وقت

العميل : الله يخليك يا باشا الله يسترك، طب آجي لحضرتك تبقى موجود يعني من الساعة كام بتبقوا موجودين

مهندس منسي : إحنا موجودين من الساعة كام؟

العميل : آه

إ مهندس منسي : حنا موجودين يا سيدي من 11-9 هبعتلك أنا تليفون المبيعات دلوقتي وحضرتك تيجي تنورنا

العميل : الله يخليك يا ريس الله يسترك

العميل : طب يعني حضرتك أنا مسجل رقم التليفون بتاع الشركة هنا عندي ولو كده إن شاء الله بكره كده آجي لحضرتك بإذن الله

مهندس منسي : تيجي تنورنا يا غالي

العميل : الله يخليك يا باش مهندس

مهندس منسي : ماشي مع السلامة

العميل : مع السلامة