علب الجبنة البيضا من شركة المهندس منسي

 العميل: السلام عليكم

المهندس منسي: عليكم السلام ورحمة الله وبركاته

العميل: إم تو باك

المهندس منسي: أيوه

العميل: لو سمحت عايز أستفسر عن أسعار علب الجبنة البيضا اللي هي الـ 250 مللي والنص لتر واللتر، ….. نص كيلو وكيلو ..يعني ربع ونص كيلو وكيلو

المهندس منسي: حضرتك عايز عبوة حقن ولا عبوة تيرمو فورنيج ؟

العميل: هي أنهي واحدة تنفع للجبنة البيضا؟

المهندس منسي: كله ينفع للجبنة البيضا، في عبوة بتبقى حقن وفي عبوة بتبقى تيرمو فورنيج بتبقى متشكلة كده تشكيلات بس

العميل: اسمها إنجكشن وإيه التانية معلش؟

المهندس منسي: إنجكشن وتيرمو فورنيج لو حضرتك عايز تبحث عليها اسمها تيرمو فورنيج

العميل: تمام.. أنهي أصح طيب؟

المهندس منسي: والله الـ 2 شغالين والـ 2 زي الفل

العميل: طيب دي سعرها كام، ودي كام؟

المهندس منسي: الإنجكشن هتبقى غالية، حضرتك يستحسن لو بعتلي رسالة على الإيميل وأبعتلك صور وأبعتلك حاجات من دي

العميل: طيب أسعارهم حوالي كام؟

المهندس منسي: يعني حوالي جنيه، نص جنيه، 75 قرش كده يعني

العميل: دي اللي هي أنهي سعة؟

المهندس منسي: ما هوه عشان كده بقولك على الإيميل عشان أديلك سعر مضبوط، عشان أوزنها وأديلك سعر مضبوط

العميل: هوه الفكرة بس إن أنا فعلاً الأوردر، معلش الوقت ضيق

المهندس منسي: آه.. ما هو إن أنا أديلك أي سعر كده يبقى صعب عليا

العميل: لا بقولك حاجة كده تقريبي للربع والنص والكيلو

المهندس منسي: الربع مثلاً نقول 75، والنص كيلو بتبقى 125، والكيلو تبقى 175

العميل: دي بالنسبة حضرتك للإنجكشن

المهندس منسي: لأ تيرمو فورنيج

العميل: طب تيرمو فورنيج يبقى بكام؟

المهندس منسي: اضرب الأسعار ديت في 1.35%

العميل: هي الأسعار دي بتطلع وتنزل على حسب الكمية صح؟

المهندس منسي: إن شاء الله

العميل: خلاص متشكر جداً، أشكرك