ماكينات تعبئة و تغليف متنوعة و متميزة من شركة مهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: بعد إذنك كنت بسأل حضرتك على مكن التعبئة والتغليف أنا كنت عايزه في حاجات كتير أولا تعبئة وتغليف عصائر بودرة ونسكافية وحاجات زي كده وتعبئة وتغليف سكر كنت عايز أعرف هي نفس الماكينة دي هي دي ولا في اختلاف

المهندس منسي: لكن ماكينة التعبئة والتغليف بتاع العصائر غير ماكينة التعبئة والتغليف بتاعت السكر

العميل: تمام دي بتختلف عن دي

المهندس منسي: آه يعني تعبئة السكر والرز والمجروشات والحاجات ديه بتختلف عن السوائل

العميل: لا أنا العصير مش هيبقي سوائل عصير بودرة

المهندس منسي: آه لا هي هي

العميل: هي هي ماكينة العصير والبودرة والكلام ده كله

المهندس منسي: آه

العميل: تمام طيب حضرتك الماكينة دي كانت بتبقي كام مخرج كام خط إنتاج في الماكينة

المهندس منسي: لا هي بتبقي واحدة

العميل: مخرج ومفيش أكتر من كده

المهندس منسي: أكتر من كده بيبقي عك نقعد نعك بقي لو أنت بتحتاج مخرجين بتاخد ماكنتين لو تلاتة بيبقي تلت ماكينات

العميل:  تمام

المهندس منسي: إنما في بقي بيقولك 2في1 كلام مش مظبوط يعني

العميل: آه تمام طيب بالنسبة للخلاط موجود برده

المهندس منسي: إن شاء الله

العميل: إن شاء الله طيب ممكن أعرف سعر الماكينة

المهندس منسي: هو في منها نص أوتوماتك وفي منها أوتوماتك

العميل: آه أوتوماتك أنا عاوزها أوتوماتك كاملة

المهندس منسي: عايزها أقصي حاجة فيها كام كيلو

العميل: أقصي حاجة هتبقي كيلو

المهندس منسي: في منها الأوتوماتك بتاعتها بتعمل 6500

العميل: 6500 يعني حسب سعر ال اليوم يعني

المهندس منسي: يعني هو انهارده بيعمله 10 يعني قول 65ألف جنيه

العميل:  65ألف جنيه تمام دي صناعة صيني

المهندس منسي: لا دي ماركة

العميل: صيني ولا صناعة إيه

المهندس منسي: لا ماركة ماركة يعني مثلا لما أنت حضرتك انهارده بتروح تجيب مثلا توشيبا مينفعش تقوله بلده إيه

العميل: توشيبا ماركة معروفة أنا قصدي يعني

المهندس منسي: آه لا ما ماركة المهندس منسي انهارده إن شاء الله ماركة معروفة ماركة عالمية بتتوزع على مستوى العالم دلوقت

العميل: تمام وسعر الخلاط بعد إذنك

المهندس منسي: الخلاط بيبقي حسب السعة بتاعته في 50 وفي 100، 150، وفي 250 حسب السعة

العميل: يعني أقصي حاجة بتبقي موجودة في الخلاط بتبقي إيه

المهندس منسي: ما هو حضرتك لازم تعمله الأول دراسة حضرتك محتاج إيه في الخلاطات محتاج اللي هو هيعملك التضريبة يعني مثلا نقول مثلا 50 كيلو، ولا محتاج100كيلو، ولا محتاج ال150ولا محتاج

العميل: هو أنا في العصير في سخن العصير كده كده أنا محتاج الخلاط عشان هيعملي التضريبة فهنتكلم في الخلاط ال200كيلو

المهندس منسي: آه ال200كيلو بيعمل في حدود

العميل: تمام طيب بالنسبة بقي عاوز خلاط أصغر للرز والسكر طبعا لأن ده مبيعملش التضريبة هو خلاط هتبقي وظيفته أن هو بيتحط فيه المنتج ويملاله الماكينة مباشرة طبعا صح

المهندس منسي: مفيش خلاط للرز والسكر أنت عايز تخلط الرز عالسكر

العميل: لا مش قصدي أخلط الرز عالسكر أنا قصدي حاجة بتاخد هي الماكينة بتبقي فيها حدود

المهندس منسي: آه

العميل: بيبقي فيها حدود سعته قد إيه

المهندس منسي: سعته بيبقي في حدود 75كيلو

العميل: 75كيلو تمام يبقي أنا محتاج الخلاط ال2كيلو

المهندس منسي: آه

العميل: تمام الماكينة دي بيبقي فيها اللي بيلزق الكيس وبيتحطلها نظام رول كيس رول صح

المهندس منسي: إن شاء الله

العميل: رول أكياس مش أكياس مقفولة

المهندس منسي: لا رول الرول نفسه الرول الورق البلاستيك بيتحط وهي بتحطله أكياس وبتعمل كل حاجة

العميل: تمام بتلزق من كام ناحية

المهندس منسي: بتلزق عادي في اللي هو من فوق ومن تحت ومن الظهر وفي تلت جناب

العميل: يعني ده في ماكينة واحدة ولا اتنين

المهندس منسي: لو عايز تغير شكل اللاحم بتقدر تغيره

العميل: من نفس الماكينة

المهندس منسي: أم

العميل: تمام وسعر الماكينة قلنا 65ألف والخلاط 15ألف تقريبا

المهندس منسي: في الحدود ديه

العميل:  أنا لو محتاج تلاتة ماكينات هيبقي في حدود 195والخلاط هيبقي في حدود 210التلت ماكينات بالخلاط في حدود تقريبا

المهندس منسي: إن شاء الله

العميل: إن شاء الله في حد عند حضرتك بيجي يركب المكن ويجرب المكن

المهندس منسي: طبعا في خدمة ما بعد البيع بص دي ماركة معنى أنها ماركة معنى أن هي ماركة أو برند معنى أنهم بنحافظ على اسمنا بنحافظ على مكانتنا بنلف وراها في أي مكان بنحاول قدر الإمكان أن مكانتنا ودايما هتلاقي ناس متدربة في الماكينة مش مثلا 600ماكينة بنروح نشتري ماكينة وتاننا جايين لا انهارده الوضع أن في واحد بيشتغل على كل المكن بتاعنا

العميل: تمام

المهندس منسي: هو الفني بيبقي عارف الماكينة دي كلها فالتدريب على ماكينة واحدة فبيبقي أكتر استيعابا وأكتر تفهما الفنيين نفسهم بيبقوا فاهمين المكن أما مثلا لو إحنا تجار بنروح نجيب وتاننا جايين فكل شويه الفني أدامه ماكينة جديدة يقدر يفكر فيها أدامه ماكينة تانية

العميل: كل حاجة جديدة يقدر يفكر فيها

المهندس منسي: فأنت بتدربكه إنما لما يكون هو بي إن سي واحد وديزين واحد فدي اللي بتبقي سهلة حتى صاحب الماكينة نفسه بعد 6شهور بنراهن عليه أن هو بيبقي مهندس ماكينته

العميل: تمام طيب حضرتك مساحة الماكينة قد إيه

المهندس منسي: مساحة الماكينة بتبقي في حدود متر وربع مثلا في متر وربع في ارتفاع مترين وربع مثلا أو مترين وعشرة

العميل: متر وربع في متر وربع في ارتفاع مترين وعشرة طب ماكينة صغيرة كده

المهندس منسي: نعم

العميل: دي كده ماكينة صغيرة مش كبيرة

المهندس منسي: صغيرة مش كبيرة

العميل: متر وربع في متر وربع حاجة صغيرة يعني قصدي

المهندس منسي: عايز أكبرهالك شويه

العميل:  لا أنا مش قصدي بس أنا قصدي فيها كل المراحل في المتر وربع ده بتاخد كل المراحل ديه

المهندس منسي: آه آه دي أحدث ماكينة انهارده أحدث ماكينة

العميل: تمام

المهندس منسي: واخد بالك عملية اللي هو بتتقلد من أيام الخمسينات ديه كان في مكن في مصر بيتقلد من أيام الخمسينات من أيام بيفرحوا الناس فأنا مش عارف ولكن أحدث ماكينة موجودة انهارده اللي عندنا دي أحدث ماكينة مبتخدش مساحة بتشتغل على 220 ولو عايزها تشتغل على 360 مفيش مشكلة يعني الكهرباء 220

العميل: آه ما أنا فاهم ولو عندي كهرباء داخلة 3  فاز مفيش مشكلة

المهندس منسي: آه مفيش أدنى مشكلة

العميل: تمام مفيش مشكلة يا باشا

المهندس منسي: واخد بالك لا إمكانيات تعالي أتفرج عليها وبص عليها وشوف وفعلا هتحس أنك فعلا أدام حد بيحترم اسمه

العميل: تمام يا باشا ماشي يا باشا آسفين لإزعاج حضرتك يا باشا

المهندس منسي: ولا يهمك يا غالي

العميل: شكرا يا بشمهندس