ماكينة تعبئة عبوات منظفات 500 مل من شركة مهندس منسي
المهندس منسي: سلام عليكم.
العميل: سلام عليكم ، ازيك يا بشمهندس.
المهندس منسي: أهلا بيك.
العميل: ازي حضرتك؟
المهندس منسي: الحمد لله
العميل: معاك /حسام المتحدة كنت كلمتك قبل كدة قولت لك أنا بكلمك من السعودية, بخصوص الماكينات اللي هي الخاصة بتعبئة ال 500 مل وتعبئة الواحد لتر ، اللي هي خاصة بالمنظفات ،فا أنت قلت لي إن المكن ده متوفر عندي مظبوط ؟
المهندس منسي: إن شاء الله .
العميل: إن شاء الله فكنت عايز أعرف بس معلش علشان أنا كنت نسيت الأرقام فمعلش أستأذنك تقولي بس المكنة اللي هي الخط الواحد بتبقي كام راس هي ؟
المهندس منسي: الخط الواحد اللي هي نص اوتوماتيك ؟
العميل: اللي هي نص اتوماتيك .
العميل: إل إيه يا فندم
المهندس منسي: آه النص اوتوماتيك
العميل: ثانية واحدة يا فندم
العميل: النص اوتوماتيك بتعمل إيه يا فندم.
المهندس منسي: أه بتعمل ، يعني مش فاهم حضرتك عايز تعرف إيه فيها يعني ؟
العميل: عايز إيه ؟
المهندس منسي: مش فاهم حضرتك عايز تعرف إيه فيها ؟
العميل: لا أنا بكلمك المكنة دية النص اوتوماتيك دية اللي هي أنا هعبي منها العبوات اللي هي الـ 500 مل اللي هي خاصة زي صابون غسيل الأيدي كده مثلا ، كويس ماشي ، وعايز حاجة اللي هي هي نفسها ممكن تعبي منها الواحد لتر, هعبي حاجة زي الفيري زي البريل الواحد لتر ده ، تمام .
المهندس منسي: أه يعني أنت عايز مكنة تعبي عبوات وفي نفس الوقت تعبي كياس.
العميل: و نفس الوقت تعبي إيه ؟
المهندس منسي: تعبي كياس.
العميل: لا أه ، نفس الوقت
المهندس منسي: أه دي مكنة نص اوتوماتيك مظبوط ؟
العميل: طيب
المهندس منسي: يعني حضرتك أتكلم أنا اللي عمال أتكلم.
العميل: بقولك حضرتك بتقولي مكنة نص اوتوماتيك, قولتلي مالها النص اوتوماتيك النص اوتوماتيك دية بتبقي كام راس ؟ يعني دي أقدر اركب فيها كام راس ؟
المهندس منسي: فيه منها 2 راس وفي واحد راس وفيه منها 2 وفيه منها 4
العميل: طب أنا عايز الأربعة راس ، ايوة
المهندس منسي: أه معاك
العميل: دي تعمل أد إيه حضرتك ؟
المهندس منسي: تعمل 4 طن ونص في الساعة .
العميل: بتعمل كام ؟
المهندس منسي: 4 طن ونص في الساعة .
العميل: 4طن ونص في الساعة ده بالنسبة لأيه لو هي بتعبي 500 مل عبوات أو تعبي واحد لتر عبوات ولو حبيت اعمل ظرف ماشي اللي هو كياس تعملي نفس الحاجة
المهندس منسي: إن شاء الله .
العميل: مش اكتر إن أنا بشبكها فالخزان وهي تسحب منه وتعبئة على طول مظبوط ؟
المهندس منسي: مظبوط .
العميل: تمام ، دي بتحتاج عمالة للتعبية تمام ، بيبقي واقف على الراس كأنه مثلا بيدوس على زرار بيعبي ويحط منه وواحد تاني يحط فكراتين علشان مثلا مش متخيل شكل المكنة عندك عامل ازاي .
المهندس منسي: لا عادي ممكن لو بعت لنا على الايميل ممكن أبعت لك فيديوهات .
العميل: ماشي هبعت لحضرتك الايميل بتاعي على في رسالة.
المهندس منسي: لا ابعت طلب استفسار على الايميل لو بعتهولي في رسالة هنساه .
العميل: إيه يا فندم ؟
المهندس منسي: لو بعتهولي في رسالة هنساه على بال ما أروح الشركة أكون نسيته .
العميل: خلاص أبعتها لك في الايميل مفيش مشكلة .
العميل: قولي سعرها كام حضرتك الأربعة راس دي .
المهندس منسي: .
العميل: أربعة راس دية يعني تتركب يعني 4 عبوات يتركبوا فيها في نفس الوقت صح ده قصدك ؟
المهندس منسي: إن شاء الله .
العميل: و دي ما بتمشيش على سير ، واحد بيشبك العبوة في الراس بتتملا تلقائي وبتقف تلقائي ولا هو بيدوس على زرار علشان يوقف علشان بس أتخيل الموضوع .
المهندس منسي: هو أنت بتحط الأربع عبوات وتروح دايس دوسة وات ايفر بأيدك أو فوتوسيل أو بالرجل واخد بالك تبص تلاقيها نزلت عبت الأربعة وطلعت تاني .
العميل: بتعبي الاربعة وبعدين .
المهندس منسي: بتعبي لك الاربعة في تايم اقل من ثانية مثلا ثانيتين .
العميل: أه بس هيبتعبي الاربعة هي موضوعة على أساس العبوة نفسها يعني مبتعملش على جوانب ولا بتاع صح ؟
المهندس منسي: لا أنت بتتكلم كده على مكن على المكن بتاع الجرافيتي
العميل: أيوة
المهندس منسي: مكن الجرافيتي دوت يعني حرام انك تشتريه ، ده حرام حرام الشعوب العربية تجيبه من بابه.
العميل: أيوة
المهندس منسي: لا مهو في مكن اسمه جرافيتي وفيه مكن اسمه فاكيوم
العميل: أه
المهندس منسي: الجرافيتي ده أساساً مشاكله كتير جداً جداً جداً فوقفته .
العميل: طيب .
المهندس منسي: يعني أي حاجة بتجيب مشكلة بوقفها خلاص مبتعاملش فيها .
العميل: تمام
المهندس منسي: الجرافيتي يقولك 12 نزل وهي تعتبر واحد نزل
العميل: تمام
المهندس منسي: ليه على بال ما بتعبي وتلف تجيب العبوة ال 12 تكون العبوة خلصت ، الجرافيتي دي نظامها كده متساويش 3 تعريفة ولا تنفع للولعه .
العميل: ايوة تمام تمام ، طيب والاوتوماتيك بتاعتها الاوتوماتيك المقصود بيها إيه ؟ اللي هي تمشي على سير .
المهندس منسي: أه فيه اوتوماتيك نوعين فيه اوتوماتيك أكياس وفيه اوتوماتيك عبوات
العميل: لا خلينا في العبوات
المهندس منسي: أه بتمشي على سير فيه 2 نزل وفيه 4 نزل .
العميل: خلينا نتكلم في الاربعة نزل ، الـ 2 نزل بكام ؟ والـ 4 نزل بكام ؟
المهندس منسي: الاربعة نزل بتعمل 7 ألاف والاثنين نزل بتعمل 6 ألاف .
العميل: يااه غالية جداً .
المهندس منسي: مش غالية جدا ده ارخص سعر في العالم كله ، إلا إذا كنت حضرتك بتتكلم على مكنة وأنا عمال أتكلم وأسح على مكنة تانية أنت عارف ارخص سعر في العالم كله وأجود مكنة في نفس الوقت .
العميل: أنا بتكلم دلوقتي إن أنا عايز أحط يعني مثلا حضرتك متخيل معايا طبعا يعني مثلا العبوة اللي هي واحد لتر بتاعة الفيري مثلاً أو البريل ماشي.
المهندس منسي: أه .
العميل: اوكيه أنا بحطها على السير هي بتيجي النزل بينزل عليها تلقائي تعبي منها ولا لازم عامل هو يبقى واقف على النزل يروح يظبط العبوة على المكان دوة ويدوس على زرار يعبيها وهي تمشي على السير تلقائي ؟
المهندس منسي: أه لا ده كده اللي أنت بتتكلم فيها دي نص اوتوماتيك إنما الاوتوماتيك هي بتظبط نفسها بنفسها.
العميل: مش محتاجة عامل .
المهندس منسي: أيوة مش محتاجة عامل أه .
العميل: مش محتاجة عامل يعني مش اكتر المجرى بتاعها هو بيمشي فيها
العميل: طيب حتة التركيب بتاعها أنت بتبعت لي حد هو اللي بيركب الكلام دوت .
المهندس منسي: مش هتفرق كتير لان المكن بتاعنا بيعتمد على السهولة والبساطة يعني سهل جداً وبسيط جداً وبنعلمك وبندربك و بنعمل لك فيديوهات ، فيديوهات تركيب ، فيديوهات صيانة .
العميل: لا معلش أنت إيه أنت فاهم ما حك جلد مثل ظفرك في النهاية أنا يهمني الشخص المتخصص هو اللي هيجي يركب الحاجة عشانـ
المهندس منسي: إحنا بايعينها في السعودية وبايعين في الدول العربية بقي لنا بنبيع دلوقتي بقالنا دلوقتي داخلين على عشر سنين .
العميل: طيب ، ما عشان كدة بقولك أنا محتاج الشخص ده هو اللي يكون .
المهندس منسي: معندناش أساسا مشكلة في الموضوع ده خالص من بابه .
العميل: طيب تمام
المهندس منسي: أنت لك تستلم حاجتك شغالة وتقولي إيه ده مفيهاش أي حاجة ما تشغلش بالك أنت ما هو أهم حاجة أهم ميزة, أهم ميزة انك أنت تعرف تشغل مكنتك مش عامل لك مكنة معقربة تقعد تتوه فيها ، لابعمل لك مكنة زي الفل تعرف تشغل مكنتك ، و تبقي مهندس مكنتك .
العميل: طيب ، طب أنا لو جيت النهارده جيت بفرض إن انا جيت طلبت منك الاوردر ده النهارده معايا ؟
المهندس منسي: أه.
العميل: و حولت لك فلوس بفرض النهارده.
المهندس منسي: أه تاخده النهارده .
العميل: أخد المكنة النهارده ؟
المهندس منسي: إن شاء الله .
العميل: تجي لي امتى السعودية ؟ أنا بتكلم .
المهندس منسي: أه تاخد 4 أيام ، 5 أيام .
العميل: تجي لي في حدود 4 أيام ، 5 أيام .
المهندس منسي: يعني كتيرة أوي ممكن تيجي في يومين كمان .
العميل: طيب طيب ، على العموم أنا هتواصل مع حضرتك النهارده إن شاء الله هبعت لحضرتك على الايميل بتاعك تمام .
المهندس منسي: امم .
العميل: على الايميل بتاعك ابعت لك بحيث تبعت لي فيديوهات اتفرج بس على المكنتين دول ماشي بعد إذنك تبعتهم لي على الميل .
المهندس منسي: ماشي .
العميل: مظبوط علشان أحدد لك بالظبط علشان تبقي العملية كده اكزاكتلي ( exactly) كده بالظبط كده احنا محتاجين إيه ، علشان نخلص على طول ، ماشي يا بشمهندس .
المهندس منسي: ماشي يا باشا .
العميل: كتر خيرك اتفضل يا فندم .
