ميكسر خلط صابون مع تعبئته بماكينة نصف أتوماتيك أسعار مميزة من شركة مهندس منسي

العميل: ألو.

المهندس منسي: أيوة.

العميل: أيوة مساء الخير.

المهندس منسي: مساء الخير يا فندم.

العميل: أنا كلمت حضرتك الصبح عشان خط إنتاج الصابون السايل وقولتلي: هتبعتولي إيميل، فأنا بعت بعت عالموقع اللي حضرتك إديتهولي الإيميل ومحدش بعتلي حاجة.

المهندس منسي: انتي عايزة خط إنتاج صابون سايل إزاي؟

العميل: يعني عايزة أعمل أعمل مصنع بس اللي هو الصغير، يعني نبتدي صغير.

المهندس منسي: آه بصي يا سيتي هي العملية مش محتاجة إيميل ولا محتاجة حاجة، هو عبارة عن ميكسر ومكنة تعبية بس مفيش أكتر من كدا.

العميل: بس هو ميكسر ومكنة تعبئة؟

المهندس منسي: بس بس مفيش أكتر من كدا.

العميل: آه.

المهندس منسي: هو دا الصابون السايل.

العميل: طيب وتكلفة المكن كام؟

المهندس منسي: الميكسر بيبدأ من 700، ومكنة التعبية

العميل: أه.

المهندس منسي: ومكنة التعبئة بتبدأ من 430، دا حاجة كدا صغنونة أوي في قلب البيت.

العميل: لأ أنا مش عاوزة حاجة من البيت أنا عايزة حاجة أكبر.

المهندس منسي: ما أنا جايلك أهو، تبدئي بعد كدا الخطوة التانية، الخطوة التانية دية ميكسر أكبر شوية مثلًا، نقول: 100لتر مثلًا مع إيه، مع مكنة تعبية إيه، مع مكنة تعبية مثلًا بتعمل 1000، يبقى ميكسر 100لتر هنا الاختلاف في الأسعار بقى بيبدأ حسب الإيه، حسب الميكسر نفسه.

العميل: يعني حسب الميكسر بقى، يعني أنا لو جيبت أكبر فأنا هيزيد السعر بس.

المهندس منسي: أيوة.

العميل: آه، لكن هما المكنتين بس.

المهندس منسي: نعم؟

العميل: المكنتين هما بس، طب والتعبئة بقى في الأزايز اللتر وفي الكبير الجراكن وفي كل حاجة؟

المهندس منسي: إن شاء الله.

العميل: والأكياس.

المهندس منسي: نعم؟

العميل: والأكياس البلاستيك كمان ليها مكنة صح؟

المهندس منسي: آه، الأكياس البلاستيك دي مكنة والعبوات دي مكنة.

العميل: آه ماشي, العبوات بقى.

المهندس منسي: المكن النص أوتوماتيك، المكن النص أوتوماتيك دي تقدر تعبيلك الأكياس، وتقدر تعبيلك العبوات، أما لو هتشتغلي أوتوماتيك يبقى لازم تحتاجي إيه، لازم تاخدي إيه يا مكنة عبوات، يا مكنة أكياس.

العميل: آه آه، لا لو أنا عايزاها نص أوتوماتيك.

المهندس منسي: آه.

العميل: أم، خلاص ماشي يعني أنا، يعني في حدود 100لتر، طب لو 200لتر مثلًا وحاجة أكبر، طب وفي حاجات تانية لتعبئة حاجات تانية دي بتعبي كل حاجة غير الصابون السايل.

المهندس منسي: تعبي كل أنواع السوايل, كلها بدون استثناء.

العميل: كل أنواع السوايل, وكل المقاسات بقى طبعًا؟

المهندس منسي: إن شاء الله.

العميل: خلاص ماشي، طب لو حضرتك بقى لو طلبت حضرتك في أي وقت بقى هما في أي مكان يجوا يعني؟

المهندس منسي: نعم.

العميل: لو في، لو طلبت حضرتك يعني في أي وقت …. تيجوا مش كدا؟

المهندس منسي: إن شاء الله.

العميل: بيركبوه وكل حاجة ويعرفوني طريقة التشغيل وكله.

المهندس منسي: إن شاء الله.

العميل: خلاص ماشي شكرٍا.

المهندس منسي: أي خدمة.

العميل: ماشي.