ماكينات لحام اكياس المعالق والمناديل من شركة المهندس منسي
العميل : السلام عليكم باش مهندس منسي
المهندس منسي : أيوه
العميل : إزي حضرتك يا فندم
المهندس منسي : أهلاً بيك
العميل : أنا جبت رقم تليفون حضرتك من على النت، كنت بسأل على مكنة تعبئة وتغليف ملعقة ومنديل اللي هي دي، ألاقيها عند حضرتك متواجدة
المهندس منسي : موجودة بضاعة حاضرة
العميل : كويس جداً، يعني حضرتك ممكن تلحمهاو تغلفها لنا أتوماتيك
المهندس منسي : لا هوه إحنا مش بنغلف لحد، إحنا بنبيع لك المكن، وبنبيع لك الخامة
العميل : آه… يعني حضرتك ما بتغلفش إنت عندك المواد الخام
المهندس منسي : هوه إنت لو حسبت مصاريف النقل، ومصاريف المواصلات وتعب الأعصاب هتلاقي إنت لو عملتهم أحسن
العميل : طيب المكنة بكام؟
المهندس منسي : في نص أتوماتيك وفي أتوماتيك
العميل : الأتوماتيك بكام والنص أتوماتيك؟
المهندس منسي : النص أتوماتيك بتعمل 250… استنى كده بتعمل بس
العميل : طيب يبقى كويسة
المهندس منسي : دي نص أتوماتيك
العميل : طيب دي كويسة الأتوماتيك دي هعبي أنا صح كده
المهندس منسي : آه تحط فيها الحاجة وترميها على سير هي تاخدها وتوديها الناحية التانية
العميل : طيب دي كويسة
المهندس منسي : يعني كل العملية تجيب 2 طلبة مدارس وتقعدهم على المكنتين وتيك.. تيك.. تيك… كل اللي عليهم إنهم يرموهم على المكنة بس مش أكتر من كده
العميل : آه.. آه.. طب خلاص أنا هدرس الموضوع كده وهكلم حضرتك تاني
المهندس منسي : آه ادرسه كده شوف الدنيا فيها إيه
العميل : خلاص شكراً يا فندم
