اكياس تعبئة القهوه الذهبي والفضي من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	أبو حميد
المهندس منسي	:	المهندس منسي مع حضرتك
العميل	:	باش مهندس، إزي حضرتك
المهندس منسي	:	الحمد لله
العميل	:	إحنا بنحتاج الأكياس بتاعت تعبئة القهوة
المهندس منسي	:	آه موجودة عندنا آه
العميل	:	تمام يا فندم، اللي هي الذهبي، وفي منها الفضي
المهندس منسي	:	عندنا الاثنين إن شاء الله
العميل	:	طب أستأذن حضرتك في حاجة، الأكياس اللي هي الأرباع والكيلوات والنصاص دي بتبقى الخامة إيه عند حضرتك؟
المهندس منسي	:	الخامة اللي بتطلبها، في عندنا خامة لامينيت، وفي عندنا خامة ميتالايز، وفي عندنا خامة ألومنيا
العميل	:	الألومنيا، الميتالايز ما بيمسكش معايا على المكنة
المهندس منسي	:	لا مش هو مش كل الميتالايز، في خامة اسمها ميتالايز سي بي بي، وفي خامة بي أوه بي إي، وفي خامة ميتالايز بي إي، فإنت لما تروح هناك قوله أنا عايز خامة تمسك كويس قوي على المكنة، هو هيفهمك على طول ويطلع لك خامة يجربها
العميل	:	أنا أول مرة أعرف المعلومة دي من حضرتك
المهندس منسي	:	آه لا .. هو فيه باي أوريانتد بولي بروبلين اللي هو بوب اللي لو شفت حضرتك كيس الشيبس مش بتمسكوا فاعصه كده يقوم مفتوح؟
العميل	:	آه.. يرجع تاني يفرد تاني
المهندس منسي	:	وكيس الشيكولاته تلاقي بالراحة كده، ده مقصود، يبقى سيمي سيل، يعني نص لحام، عشان الطفل ما يمسكش يقعد بسنانه يقعد يشد هتقلع له سنانه
العميل	:	أيوه صح بالضبط، ده اللي في الشيكولاته فعلاً
المهندس منسي	:	آه.. عشان اللي يمسك الكيس ما يتضايقش وهوه بيفتحه، يفتحه بسهولة، وفي حاجات بتحتاج قوة اللحام عشان هو محتاج قوة لحام، يعني يقولك لا ده أنا محتاج قوة اللحام واللي هيستعمل الكيس بعد كده يقصه بالمقص
العميل	:	آه.. آه.. تمام
المهندس منسي	:	ولكن مش حاجة مستهلكة استهلاك شبه يومي، لأن هو هيقصها مرة واحدة، زي كيس الأدوية، كيس المبيدات
العميل	:	آه.. ده محتاج إن هو يكون فتحه صعب
المهندس منسي	:	أيوه عشان النقل والتخزين والحاجات دي، أما المواد الغذائية بالذات لازم التعامل معاها يبقى فيري إيزي، يعني مثلاً كوباية الزبادي تلاقي اللحام بتاعها بيطلع على طول
العميل	:	بالضبط،  تمام، اللي هي بتبقى حاجة ما تكونش قوية
المهندس منسي	:	أيوه إيزي أبون
العميل	:	صح.. صح.. ماشي يا باش مهندس، الله ينور عليك وربنا يخليك
المهندس منسي	:	ربنا يبارك لك
العميل	:	معلش هو الميتالايز اللي عند حضرتك أو الألومنيا الكيلو مثلاً يعمل في حدود كام
المهندس منسي	:	بص حضرتك إحنا عندنا أكتر من 200-300 نوع، فعندنا التصنيف ده أنا واخدها عن دراسة، مش فهلوة
العميل	:	واضح يا فندم، واضح، مش شغل بتاع وسط البلد والكلام اللي إحنا بنعمله ده
المهندس منسي	:	لا مش واخدها فهلوة، عشان كده تلاقي أنواع كتير قوي، فشرنا بالزيارة اتفرج عليها وفرد المبيعات هيقولك عليها وإنت قاعد
العميل	:	خلاص تمام يا فندم، ماشي، أنا هشوف كده عشان حالياً أنا في الغردقة مش في القاهرة
المهندس منسي	:	تيجي بالسلامة
العميل	:	ماشي يا باش مهندس، شكراً جزيلاً، مع السلامة