ماكينات فاكيوم لشفط الهواء من اكياس التمور من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	أنا سألتك عن آلة تعبئة التمور
المهندس منسي	:	آه آلات تعبئة التمور كتير قوي، شوفلي حضرتك عايز تعبي التمور إزاي، لأنه في تعبئة التمور بالفاكيوم، وفي في علب، وفيه في أطباق، وفيه في أكياس
العميل	:	المصنع بتاعكم فين؟
المهندس منسي	:	إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور
العميل	:	أنا جاي القاهرة بعد يومين كده
المهندس منسي	:	تيجي تنورنا
العميل	:	أنا اللي عازيها المكنة عندي في ليبيا في المنطقة الشرقية في الواحات طالع فيها التمر، إحنا عندنا عادة التمر بنحطه في المبردات، لكن التمر جاف، جاف طبعاً بتحطه في أكياس لازم مكنة بتاع شفط الهوا
المهندس منسي	:	آه موجودة آه، يبقى إحنا كده الأول هنحط التمر في كيس، وبعد ما نحط التمر في كيس نشفط منه الهواء، مضبوط كده؟
العميل	:	صح. بس الآلة هادي أتوماتيك ولا…
المهندس منسي	:	ما هو طالما إنك هتشفط الهواء يبقى لازم يبقى نص أتوماتيك، الأتوماتيك إزاي هينزل وبعد ما ينزل يشفط الهوا من الكيس؟؟ يبقى لازم نص أتوماتيك
العميل	:	بس كام كيس بيعمل، ممكن يكون بطيء
المهندس منسي	:	ممكن يعمل في حدود 1500 كيس، ولو عايز تزود السرعة ممكن  تزود المكن
العميل	:	المكنة الواحدة تعمل كام كيس؟
المهندس منسي	:	المكنة الواحدة ممكن تعملها طن ونص في الساعة
العميل	:	ماشي أنا لما أجي باجي غادك إن شاء الله
المهندس منسي	:	يا هلا بالزين، تيجي تنورنا
العميل	:	كل عام وإنتم بخير
المهندس منسي	:	مع السلامة