ماكينة لصق الاستيكر علي العبوات الدائرية نص اتوماتيك موديل 831 ماركة مهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	شركة المهندس منسي
المهندس منسي	:	أيوه معاك اتفضل
العميل	:	بسأل على المكنة الخاصة بلصق الاستيكارات
المهندس منسي	:	آه
العميل	:	أرخص مكنة موجودة عند حضرتك سعرها كام يا فندم؟
المهندس منسي	:	يعني 18 ألف جنيه مصري
العميل	:	طب حضرتكم فاتحين بكرة؟
المهندس منسي	:	آه من 11 صباحة إلى 9 مساء طول أيام الأسبوع ماعدا يوم الجمعة الأجازة الأسبوعية
العميل	:	طيب، لو في موديل أنا استقريت عليه آخده معايا وأنا ماشي ولا لازم أوردر قبله ولا إيه الوضع؟
المهندس منسي	:	لا موجودة بضاعة حاضرة
العميل	:	تمام.. طب والتدريب عليها؟
المهندس منسي	:	بندربك عليها وإنت قاعد
العميل	:	يعني استخدامها سهل، اسمها إيه؟؟ 831 الموديل بتاعها؟
المهندس منسي	:	الموديل بتاعها أنا مش متذكره، بس هو الشغل عليها سهل قوي قوي
العميل	:	طيب… محتاج مني حاجة معينة، هي دي بتشتغل على الدائري بس
المهندس منسي	:	آه حضرتك تجيب بس عبواتك واستيكاراتك وتجرب وإنت قاعد
العميل	:	الاستيكرات موجودة عندك صح؟
المهندس منسي	:	ممكن يكون فيه موجود وممكن يكون مافيش موجود، ولكن يستحسن لو جبت الاستيكر
العميل	:	أصل أنا هجيب معايا العبوات لأن الاستيكارات بتاعتي لسه ما طلعتش من البرينتيج، من المطبعة، فأنا هجيب العبوات الفاضية بس أستأذنك يكون عندك استيكر بس عشان تدربني عليها وأنا بشتريها بكرة
المهندس منسي	:	إن شاء الله
العميل	:	تمام
المهندس منسي	:	ماشي تيجي تشرفنا
العميل	:	طيب، مين معايا يا فندم؟
المهندس منسي	:	معاك المهندس منسي
العميل	:	تشرفنا يا فندم
المهندس منسي	:	ابعتلي طلب عناوين على الواتس وأنا أبعت لك العناوين وإنت اختار العنوان اللي يناسب حضرتك
العميل	:	حاضر تمام.. حالاً هبعتهولك يا فندم؟
المهندس منسي	:	آه
العميل	:	حاضر هبعتهولك يا باش مهندس حالاً، وأنا هاجي لحضرتك من مكان بعيد فـ11 بالضبط هكون عند حضرتك
المهندس منسي	:	آه هتلاقي في الرابط اللي أنا هبعتهولك تليفونات المبيعات وعناوين الفروع وحاجات من دي، فإنت هتابع بقى معاهم http://m2pack.me/%D8%A7%D8%AA%D8%B5%D9%84-%D8%A8%D9%86%D8%A7/
العميل	:	ماشي يا فندم أوكيه، شكراً جزيلاً