طبات فويل للعبوات المختلفة لعبوات الكريم من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	شركة المهندس منسي
المهندس منسي	:	أيوه
العميل	:	إحنا شركة الشبراويشي للعطور ومستحضرات التجميل، محتاجين فويل سادة 9.5
المهندس منسي	:	9.5 سم، اللي هو هتعمله إيه؟
العميل	:	إحنا بنحطه طبات على عبوات الكريم
المهندس منسي	:	آه موجود آه
العميل	:	تسلم، ممكن ناخد إمتى الكمية اللي  إحنا عايزينها؟
المهندس منسي	:	هي الكمية أد إيه؟
العميل	:	لا هو بالنسبة لي أنا مهندس جودة، لكن الكمية هجيبها لحضرتك إن شاء الله، بس إحنا ممكن نيجي وناخد إمتى الحاجة
المهندس منسي	:	يعني بعديها بيوم، يومين
العميل	:	طيب العنوان باب الشعرية ولا في مكان تاني؟
المهندس منسي	:	إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور
العميل	:	طيب ما شاء الله، يعني أنا لو رحت باب الشعرية وتعاقد ياخدها بعد يوم ـ يومين
المهندس منسي	:	آه إن شاء الله
العميل	:	طب ممكن بكرة إن شاء الله في زيارة كده من الناس لباب الشعرية لأنها أقرب حاجة لينا
المهندس منسي	:	ماشي
العميل	:	من الساعة كام شغالين؟
المهندس منسي	:	من 11-9
العميل	:	طب شكراً جزيلاً، وإن شاء الله يبقى تعامل طيب ما بينا، وممكن 8.50 و 7.50 الأقطار دي؟
المهندس منسي	:	إحنا شغالين دايماً من 11 صباحاً إلى 9 مساء طول أيام الأسبوع ماعدا يوم الجمعة الأجازة الأسبوعية
العميل	:	جزاك الله كل خير، هي الأسعار موجودة
المهندس منسي	:	هو إن شاء الله أول ما تروح هتقع مع حد إن شاء هيديلك كل الأسعار
العميل	:	شكراً لحضرتك على التعاون الطيب
المهندس منسي	:	لا تحت أمرك
العميل	:	شكراً جزيلاً، ربنا يبارك فيك
المهندس منسي	:	ماشي مع السلامة
العميل	:	السلام عليكم
المهندس منسي	:	عليكم السلام ورحمة الله وبركاته