ميكسر وماكينة ديسك توب لخلط وتعبئة الصابون السائل في اكياس وعبوات من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | إزيك يا باش مهندس |
| المهندس منسي | : | أهلاً بيك مين معايا |
| العميل | : | معاك محمد القشاو من دمياط |
| المهندس منسي | : | أهلاً وسهلاً |
| العميل | : | أهلاً بحضرتك، كنت عايز أستفسر عن ميكسر الخلط بتاع الصابون السائل |
| المهندس منسي | : | موجود آه |
| العميل | : | العنوان فين يا باشا؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | آه.. طيب أنا هاجي بكرة إن شاء الله من دمياط، يعني آجي على أي فرع من دول |
| المهندس منسي | : | أي فرع هيقدم لك نفس الخدمة بالضبط |
| العميل | : | للي موجود خلط صابون سائل وإيه تاني موجود مكن؟ |
| المهندس منسي | : | ومكن تعبئة وتغليف الصابون السائل، ومكن تعبئة وتغليف جميع المواد |
| العميل | : | لا أنا قطان بحري وعايز أعمل مشروع صغير جداً لابني حاجة مبدئية عبال ما أقعد لأني أنا قدامي 6 شهور وآجي أستقر يعني، فأنا عايز أخليه يلعب بلعبة صغيرة كده في إيده بس عبال ما أقعد، إيه رأي حضرتك؟ |
| المهندس منسي | : | لا تحت أمر حضرتك، هتقعد معاهم إن شاء الله وتقولهم وتقولهم عايز مكنة خلاط، خلط، ومكنة ديسك توب اللي هي هتعبي الصابون السائل بعد ما تخلطه |
| العميل | : | دي بتعبي أزايز وأكياس؟ |
| المهندس منسي | : | آه تعبي الـ 2 آه |
| العميل | : | طب مبدئياً كده عشان أعمل حسابي في الفلوس السعر إيه؟ |
| المهندس منسي | : | سيبك من الفلوس دلوقتي إنت تيجي تتفرج وتشوف وتعاين وبعد كده عملية الفلوس دلوقتي خليها آخر حاجة خالص، المهم الأول تكون شايف الدنيا وتكون مقتنع بيها تمام الاقتناع، إنما بالنسبة للأسعار أنا مش متذكر غير مكنة تعبئة السوائل سعرها ، أما مكنة الخلط بقى في حوالي 8 أنواع، فأنا مش هقدر أتذكر الـ 8 أنواع |
| العميل | : | الصناعة مصرية ولا صيني؟ |
| المهندس منسي | : | هو إحنا بنقول صيني.. ماليزي.. تايواني.. إحنا أخدنا فكر تاني خالص، فكر الألمان والطيلان، بيعملوا إيه؟؟ بيصمموا المكنة وبعد ما يصمموا المكن يبعتوا ينصنعوا قطع الغيار وبعدين يجمعوها يحطوا ماركتهم عليها |
| العميل | : | آه |
| المهندس منسي | : | إحنا عملنا كده، بقينا ماركة وبراند عالمي |
| العميل | : | يا باشا أنا لما أجيب المكنة مصري أفضل ليا، حتى لو المكنة مصري بالنسبة لي كويسة |
| المهندس منسي | : | بص النهاردة مافيش بلد بتعيش لوحدها |
| العميل | : | معلش أنا راجل شغال في البحر وفاهم النظام كويس |
| المهندس منسي | : | فكله النهاردة لو مسكت التليفون الأبل هتلاقي قطع الغيار بتاعته كلها معمولة في الصين، ولكن إنت بتشتري على إنه أبل ماركة عالمية، معمولة في أمريكا ولكن هو كل حاجته أبل مافيش فيها إلا السوفت وير بس هو اللي أبل |
| العميل | : | طيب أنا كده أقدر أقول إن أنا ممكن أنزل مدينة نصر أو باب الشعرية |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | ماشي.. ماشي، 5 دقائق بالضبط ويكون عند حضرتك |
| المهندس منسي | : | إن شاء الله |
| العميل | : | ماشي اتفضل |
