مجموعه مختلفه من خامات ال pvc شرينك وغيرها من خامات من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته..
العميل	:	حضرتك أ/ منسي؟
المهندس منسي	:	أيوه
العميل	:	آه صلاح ياسين مع حضرتك، في الحقيقة كان عندنا عميل إمبارح جاي طالب خامة معينة، فلقيته بيقولي الأستاذ منسي عنده الخامات دي اللي هي بي في سي شرينك
المهندس منسي	:	آه إن شاء الله
العميل	:	هي الخامة دي عبارة عن بي في سي شرينك عرضي وليس طولي
العميل	:	آه.. طب دي عروضها أد إيه؟
المهندس منسي	:	تبدأ من 15 سم تنتهي عند متر
العميل	:	دي تيوب ولا فردة واحدة؟
المهندس منسي	:	لا فردة واحدة
العميل	:	فردة واحدة بنحتاج بقى نلفها، والجماعة اللي بيلفوا دول رخمه شويه، طب دي أسعارها في حدود كام؟
المهندس منسي	:	دي أولاً بس السمك بتاعها من 50-70، فهل ده مناسب؟
العميل	:	مش مشكلة دي
المهندس منسي	:	هي البضاعة دي أمريكي مولفة، كل رول في البوكس بتاعها
العميل	:	آه… أسعارها بقى في حدود كام؟
المهندس منسي	:	دي 32
العميل	:	في عند حضرتك بولي إستر
المهندس منسي	:	في عندنا بولي إستر، بس إنت ما اهتمتش
العميل	:	لا مش ماهتمتش، مهتم وكل حاجة بس دي أول مرة أكل حضرتك
المهندس منسي	:	آه.. آه.. حضرتك اللي كنت بتابعني آه، لما قلت لك إن أنا عندي سي في بي
العميل	:	آه.. آه.. أهلاً بيك، طب هو عروض البولي إستر اللي عندكم 12 ميكرون بكام؟
المهندس منسي	:	بص إنت لما هتزورنا في المخازن هتلاقي في خامات كتير ممكن تكون مناسبة ليك، وكلها بكميات كويسة قوي
العميل	:	على العموم إن شاء الله حضرتك موجود النهاردة
المهندس منسي	:	آه موجودين
العميل	:	طب خلاص هاجي لحضرتك إن شاء الله
المهندس منسي	:	لا تشرف لأن الـ بي في سي اللي موجود هيعجبك لأن ده أمريكي، وبعدين كل رول جوه البوكس بتاعه
العميل	:	ربنا ييسر، ماشي يا باشا
المهندس منسي	:	هي الكمية اللي موجودة حوالي 20 طن، لو هتاخدهم كلهم ممكن نضبط لك سعر كويس
العميل	:	آه.. هجيلك إن شاء الله ونتعرف على بعض
المهندس منسي	:	أهلاً بيك نتشرف بيك
العميل	:	ماشي سعادة الباشا، مع السلامة
المهندس منسي	:	مع السلامة