مكنة شفط الهواء من الأكياس من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : كنت عايز أعرف مكنة بتاعت شفط الهواء من 1 كيلو و 1.25 في؟

مهندس منسي : موجودة آه

العميل : صناعة ايه؟

مهندس منسي : إحنا ماركة، براند، ما نقدرش ننزل إلا مكن نضيف و كويس

العميل : أوكيه، طيب بتشفط الكيس و في كام

مهندس منسي : في كام إيه إنت اللي بتحدد

العميل : الزمن أنا اللي بحدد

العميل : أوكيه، طيب المكنة بكام؟

مهندس منسي : في من المكنة دي موديلين، في غرفة واحدة، وفي غرفتين 4 جنب، وفي غرفة واحدة 1 جنب، الغرفة الواحدة 1 جنب بتعمل ، والغرفتين 4 جنب بتعمل

العميل : غرفتين دي أنا ما فهمتش

مهندس منسي : غرفتين يعني بتقوم بدور 4 مكنات

العميل : آه…

مهندس منسي : آدي غرفة وآدي غرفة، روم هنا وروم هنا، غرفتين 2، كل غرفة ليها جناحين، كأنك إنت

العميل : يعني فرخة هنا وفرخة هنا؟

مهندس منسي : لأ تقدر تحط 4 فرخات هنا و4 فرخات هنا و4 فرخات هنا و4 فرخات هنا، يعني تعمل 16 فرخة في الشوط الواحد

العميل : آه… أوكيه، ودي بكام؟

مهندس منسي :

العميل : طيب والأكياس بتاعتها؟

مهندس منسي : موجودة

العميل : متوفرة

مهندس منسي : آه متوفرة

العميل : طيب الأكياس بتاعتها بتبقى كيلو ـ كيلو وشوية، الفراخ ساعات تبقى كيلو ومرات كيلو و250 جرام….

مهندس منسي : أنا معرفش المقاس بتاعك بالكيلو هياخد مقاس كام، إنما كل اللي أعرفه إن أنا ببيع بالطن، أقولك الطن…

العميل : بالطن..

مهندس منسي : آه أنا معرفش المقاس بتاعك هتاخد كام × كام، معرفش سماكة الخامة نفسها أد إيه اللي إنت محتاجها

العميل : آه… أنا عايز كواليتي يكون…

مهندس منسي : آه ما هو كل كواليتي عندنا كويس، ولكن أنا معرفش إيه اللي هتختاره التكنيك بتاعك بالضبط؟ وإيه اللي….

العميل : التعبئة بتاعت الفراخ العادية كده يعني في القاهرة

مهندس منسي : ما هو أنا بشتغل في التعبئة والتغليف في مجالات كتيرة جداً، مجال المواد الغذائية، مجال مستحضرات التجميل، مجال العبوات الدوائية، مجال الصيدلانية، مجال المنظفات، الزراعة….. فكل واحد متوقع إن أنا عندي معلومة عن منتجه، فأنا لو عارف كل المنتجات اللي كل الناس بتكلمني عليها ديت ده أنا المفروض أفتح سوبرماكت

العميل : أيوه صح، طيب بكام عندك الطن بتاع البلاستيك الأكياس؟

مهندس منسي : ما هو الطن إيه من كام؟ حضرتك ابعتلنا رسالة على الإيميل فيها طلب استفسار، حط الداتا بتاعتك عليها، إن أنا عندي مقاس كذا × كذا في خامات كذا بالضبط إيه

العميل : أوكيه.. أوكيه

مهندس منسي : ماشي يا غالي

العميل : اتفضل، سلام، شكراً

مهندس منسي : مع السلامة